नागपूर : भारताला १९४७ साली स्वातंत्र्य हे भिकेत मिळाले. खरे स्वातंत्र्य २०१४ साली मिळाले, असे बेताल वक्तव्य करणारी अभिनेत्री कंगना राणावत हिच्यावर मनोरुग्णालयात उपचार करण्यात यावे, अशी मागणी सामाजिक संघटनांनी केली आहे. यासंदर्भातील निवेदन मनोरुग्णालय अधिक्षकांना देण्यात आले आहे.
वादग्रस्त विधाने करणाऱ्या कंगनाविरोधात विविध राजकीय पक्षांपासून तर स्वातंत्र्य संग्रामसैनिकांपर्यंत विविध पोलिस ठाण्यात गुन्हे दाखल केले आहेत. मात्र, उपराजधानीत कंगनाविरोधात चक्क प्रादेशिक मनोरुग्णालयात दाखल करून तिच्यावर उपचार करण्यात यावा, अशी मागणी करणारे निवेदन सादर करण्यात आले आहे.
रस्त्यावर बरळणाऱ्या मनोरुग्णाला जसे पोलिस मनोरुग्णालयात दाखल करतात त्याचप्रमाणे कंगनाला पोलिसांमार्फत नागपुरातील प्रादेशिक मनोरुग्णालयात रुग्णालयात दाखल करावे, तिला शॉक ट्रीटमेंट द्यावी, अशी मागणी निवेदनात केली आहे. निवेदन देण्यासाठी शिष्टमंडळ येणार म्हणून रुग्णालयात मोठी गर्दी जमली होती. विविध सामाजिक संघटनांचे पन्नासपेक्षा जास्त कार्यकर्ते उपस्थित होते. सलीम खान यांनी मनोरुग्णालयाचे वैद्यकीय अधीक्षक डॉ. पुरुषोत्तम मडावी यांना या मागणीचे निवेदन दिले.
दुपारच्या वेळी अशाप्रकारचे निवेदन देण्यासाठी शिष्टमंडळ येणार असल्याची माहिती मिळाली. त्यानुसार एका पक्षाच्या अल्पसंख्याक विभागातर्फे निवेदन देण्यात आले आहे. निवेदन स्वीकारले.- डॉ. पुरुषोत्तम मडावी, वैद्यकीय अधीक्षक, प्रादेशिक मनोरुग्णालय, नागपूर
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.