असं बोलतात की या जगात एक सारखेच दिसणारे सात लोक असतात. आणि हे खरं देखील आहे कारण आतापर्यंत आपण कितीतरी सेलिब्रिटींच्या ड्युप्लिकेट्सना पाहिलं आहे. काही चेहरे आणि त्यांचे हावभाव इतके एकसमान असतात की त्यांना पाहणारा प्रत्येकजण चक्रावून जाईल. सोशल मीडियावर एश्वर्या राय ते रणबीर कपूर,सैफ अली खान,शाहरुख खान,सलमान खान पर्यंत साऱ्यांचे ड्युप्लिकेट्स याआधी आपण पाहिले असतील अन् ते पाहून हैराणही झाले असाल. आता करिश्मा कपूरच्या(Karishma Kapoor) ड्युप्लिकेटनं सोशल मीडियावर वादळ आणलं आहे. फोटो आणि व्हिडीओ पाहून तर आपण बोलाल की अरे ही ड्युप्लिकेट नाही,तर Original करिश्मा कपूरच आहे.(Karisma Kapoor’s lookalike from Pakistan is breaking the internet)

करिश्मा कपूरच्या ड्युप्लिकेटचं नाव हिना खान आहे. आणि ती पाकिस्तानी आहे. सोशल मीडियावर हिना खानचे फोटो आणि व्हिडीओ तूफान व्हायरल झाले आहेत. करिश्मा कपूरची ही ड्युप्लिकेट काय करते? ती कधी आणि कशी चर्चेत आली?

हिना खान लंडनमध्ये राहणारी आहे,तिचा जन्म देखील लंडनाचाच आहे. ती मेडिकल स्टुडंट आहे. पण तिचं आजोळ पाकिस्तानात आहे. एका मुलाखतीत तिनं सांगितलं होतं की,''तिची आई पाकिस्तानी होती''. एका इंग्रजी वृत्तपत्राला दिलेल्या मुलाखतीत ती म्हणाली होती की,''तिनं डबस्मॅश व्हिडीओ बनवण्यापासून सुरुवात केली होती. तिला अभिनयाचा छंद आहे,त्यामुळे तिनं मग टिक-टॉक व्हिडीओ बनवायला सुरुवात केली''.

हिना म्हणाली होती की,''तिला कधी असं वाटलंच नाही ती करिश्मा कपूरसारखी दिसते. लोकांनीच तिला करिश्मा कपूरच्या डायलॉगवर व्हिडीओ बनवण्याची सूचना केली होती. जेव्हा तिनं ते व्हिडीओ बनवले तेव्हा ते खूप व्हायरल झाले आणि प्रत्येकजण तिला करिश्मा कपूरची ड्युप्लिकेट बोलू लागला. आता तर लोकं तिला पाहिल्यावर दैवी चमत्कार असं देखील म्हणतात''.

हिना खानचे इन्स्टाग्रामवर जबरदस्त फॅन फॉलॉइंग आहेत. तिचे आता १८० k फॉलोअर्स आहेत,आणि ते वेगानं वाढतही आहेत. आता करिश्मा कपूरनं हिना खानचे व्हिडीओ पाहिलेयत की नाही हे माहित नाही पण लोक मात्र करिश्माला हिना खानचे व्हिडीओ टॅग करताना दिसतात.