Kiara Advani Transperent Look: कियाराचा अंदाज हा नेहमीच तिच्या चाहत्यांना घायाळ करतो. बॉलीवूडमधील सर्वाधिक बोल्ड अभिनेत्रींमध्ये कियाराच्या नावाचा उल्लेख करावा लागेल. कियारा ही जशी तिच्या अनोख्या स्टाईलसाठी ओळखली जाते तशीच तिच्या अभिनयाचे लाखो चाहते आहेत. शाहिद सोबत कबीर सिंगमध्ये तिनं साकारलेली प्रीती, तसेच वरुण धवनसोबत केलेली मेजर विक्रम मल्होत्राच्या पत्नीची भूमिका ही प्रेक्षकांच्या विशेष आवडीची आहे. कियारा आता ही एका वेगळ्या कारणासाठी चर्चेत आली आहे.

कियाराचा तो ग्लॅमरस अवतार तिच्या चाहत्यांना कमालीचा भावला आहे. त्यामुळे तिच्यावर त्यांनी कौतूकाचा वर्षावही केला आहे. कियारा ही मुंबईतल्या एका इव्हेंटमध्ये सहभागी झाली होती. त्याचा व्हिडिओ सोशल मीडियावर व्हायरल झाला आहे. तो व्हिडिओ पाहताच नेटकऱ्यांनी तिच्या दिसण्यावर कमेंटचा वर्षाव केला आहे. कियाराचा व्हाईट साडीतील लूक हा भलताच बोल्ड आहे. चाहत्यांनी तिच्या त्या ट्रान्सपरंट साडीवर भन्नाट प्रतिक्रिया दिल्या आहेत. यापूर्वी देखील कियाराच्या फोटो आणि व्हिडिओला नेटकऱ्यांचा मोठा प्रतिसाद मिळाल्याचे दिसून आले आहे.

कियाराचा तो ट्रान्सपरंट लूक नेटकऱ्यांना घायाळ करुन गेला आहे. हे त्यांच्या प्रतिक्रियेवरून दिसून येते. काहींनी कियाराचं तोंडभरुन कौतूकही केलं आहे. कियारा तू खरी सौंदर्यवती आहेस, बॉलीवूडमध्ये सर्वाधिक सुंदर अभिनेत्रींमध्ये तुझे नाव आग्रहानं घ्यावे लागेल. अशा प्रतिक्रिया तिला नेटकऱ्यांनी त्या व्हिडिओवरुन दिल्या आहेत. कियारानं त्या व्हाईट साडीसोबत स्लिव्हलेस ब्लाउजही परिधान केला आहे. जो तिच्यावर भलताच खुलून दिसत आहे.

कियाराची हटके स्टाईल आणि तिची फॅशन ही तिच्या चाहत्यांसाठी आगळी वेगळी पर्वणी असते. इंस्टावर कियाराला फॉलो करणाऱ्यांची संख्या मोठी आहे. कियाराचा अनोख्या अंदाजातील फोटो पडताच त्यावर कमेंट करण्यास चाहते उत्सुक असतात.