Konkona Sen Sharma: आपल्या जबरदस्त अभिनयाने कोंकणा सेन शर्माने लाखो चाहत्यांच्या हृदयात खास स्थान निर्माण केले आहे. कोंकणाने आजवर अनेक वेगवेगळ्या भूमिका साकारल्या. तिने प्रत्येक भूमिकेतुन चाहत्यांच्या मनात घर केलं आहे.

कोंकणाला अभिनयाचा हा वारसा घरातूनच मिळाला आहे. कोंकणाची आई अपर्णा सेन एक उत्कृष्ट दिग्दर्शिका आहे. तर तिचे वडील मुकुल शर्मा हे प्रसिद्ध पत्रकार होते. कोंकणा नेहमी चर्चेत असते. त्यातच आता तिनं तिच्या बालपणाबद्दल आणि आईबद्दल काही खुलासे केले आहे.

कोंकणा म्हणाली की, तिला घरी रामायण आणि महाभारत पाहण्याची परवानगी नव्हती. तिनं मुलाखतीत सांगितलं त्याचबरोबर ती म्हणाली की, तिला अमेरिकन सोप ओपेरा पाहण्याची देखील परवानगी तिच्या आईनं दिली नव्हती.

यामागचं कारण सांगतांना कोंकणा सेन सांगते की, आईने तिला रामायण आणि महाभारत पाहण्याची परवानगी दिली नाही. कारण तिच्या आईची इच्छा होती की तिच्या मुलीने रामायण आणि महाभारत पाहण्याआधी ते वाचावं आणि तिच्या स्वतःच्या कल्पनेतून त्याचा अर्थ जाणून घ्यावा. कोंकणानं महाकाव्यांबद्दल दुसऱ्याच्या कल्पनेतून नव्हे तर स्वत:च्या कल्पनेतून जाणून घ्यावं, असं तिच्या आईला वाटत होतं.

याच मुलाखतीत कोंकणाने पुढे सांगितलं की, केवळ रामायण आणि महाभारतच नव्हे तर द बोल्ड अँड द ब्युटीफुल किंवा सांता बार्बरा सारखे अमेरिकन सोप देखील पाहण्याची परवानगी तिला मिळालेली नाही. तिच्या आईने तिला कधीही हिंदी आणि बंगाली चित्रपट पाहू दिले नाहीत.

वर्क फ्रंटवर, कोंकणा नुकत्याच रिलीज झालेल्या हिंदी अॅक्शन थ्रिलर कुत्तेमध्ये शेवटची दिसली होती. तिची 'लस्ट स्टोरी'ज देखील प्रदर्शित झाली. याशिवाय, ती लवकरच नेटफ्लिक्स डार्क कॉमेडी मालिका सूपमध्ये ती मनोज बाजपेयीसोबत दिसणार आहे.