Kriti Sanon Relationship : गेली काही दिवस बॉलीवुडमध्ये एका कपलची जोरदार चर्चा आहे. ते कपल म्हणजे बॉलीवुड अभिनेत्री क्रिती सनन आणि दाक्षिणात्य सुपरस्टार प्रभास. प्रभासने क्रितीला प्रोपोस केलं, दोघेही एकमेकांना डेट करत आहेत. अशा अनेक चर्चा सध्या उठल्या आहेत. पण हे खरे आहे का, याबाबत नेमकी कुणालाच खात्रीशीर माहिती नव्हती, यावर अखेर क्रितीनेच मौन सोडलं आहे.

(Kriti Sanon BREAKS silence on dating rumours with Prabhas)

बॉलिवूड अभिनेत्री क्रिती सेननचा (Kriti Sanon) चा 'भेडिया' (Bhediya) सिनेमा नुकताच प्रेक्षकांच्या भेटीला आला आहे. पण तिच्या चित्रपटापेक्षा ती वैयक्तिक आयुष्यामुळेच अधिक चर्चेत आली आहे. सध्या क्रिती आणि दाक्षिणात्य सुपरस्टार प्रभाससोबतच्या (Prabhas) अफेरच्या बऱ्याच चर्चा उठल्या आहेत. दरम्यान आता क्रितीने सोशल मीडियाच्या माध्यमातून या सर्व चर्चांवर खुलासा केला आहे.

क्रितीने इंस्टा स्टोरी शेअर करत लिहिलं आहे,"हे प्रेम नाही किंवा प्रमोशन देखील नाही. आमचा 'भेडिया' रिअॅलिटी शोमध्ये जरा जास्तच वाइल्ड झाला (वरुन धवन ला उद्देशून तिने टोला लागवला आहे ) आणि लोकांनी त्याचा वेगळा अर्थ काढला. त्यामुळे अनेक अफवा पसरल्या.'

पुढे ती म्हणाली, काही माध्यमांनी माझ्या लग्नाची तारीख जाहीर करण्याआधीच या अफवांना पूर्णविराम देते. ही अफवा पूर्णतः बेसलेस (कशाचाही आधार नसलेली) आहे. कृपया यावर विश्वास ठेऊ नका".

क्रिती सेनन आणि वरुण धवनने नुकतीच 'झलक दिखला 10'च्या मंचावर हजेरी लावली होती. दरम्यान करणने विचारलेल्या एका प्रश्नाला उत्तर देत वरुण म्हणाला,"क्रितीचं प्रेम एका वेगळ्याच व्यक्तीवर आहे. जो व्यक्ती सध्या मुंबईत नसून दीपिकासोबत एका सिनेमाचं शूटिंग करत आहे". आणि त्यावरून क्रिती आणि प्रभासच्या नात्याबाबत अफवा उठल्या.

क्रिती सेनन आणि प्रभासचा 'आदिपुरुष' हा सिनेमा लवकरच प्रेक्षकांच्या भेटीला येणार आहे. या सिनेमात प्रभास रामाच्या तर क्रिती जानकीच्या भूमिकेत दिसणार आहे. हा सिनेमा पुढील वर्षात प्रेक्षकांच्या भेटीला येणार आहे. हा पौराणिक शैलितील सिनेमा आहे. हिंदी, तामिळ, मल्याळम आणि कन्नड भाषेत हा सिनेमा प्रदर्शित होणार आहे. ओम राऊतने या सिनेमाच्या दिग्दर्शनाची धुरा सांभाळली आहे.