Soma Laishram Banned From Films: मणिपुरी अभिनेत्री सोमा लैशराम ही अचनाक चर्चेत आली आहे. तिने सौंदर्य स्पर्धांमध्ये भाग घेतल्याने सोमा टीकेला सामोरे जावे लागत आहे. इम्फाळच्या सिव्हिल सोसायटी या संघटनेने सोमावर बहिष्कार टाकण्याचे आवाहन केले असून चित्रपट निर्मात्यांनी तिच्यावर तीन वर्षांची बंदी घालावी, असे म्हटले आहे.

सोमा ही लोकप्रिय अभिनेत्री आहे. तिने जवळपास 150 मणिपुरी चित्रपटांमध्ये काम केले असून अनेक पुरस्कारही जिंकले आहेत. शनिवारी, सोमाने नवी दिल्लीत आयोजित नॉर्थ ईस्ट स्टुडंट्स फेस्टिव्हलमध्ये शोस्टॉपर म्हणून भाग घेतला होता. त्यामुळेच सोमाला आता टीकेला सामोरे जावे लागत आहे.

मणिपूर जोपर्यंत हिंसाचाराच्या आगीत जळत आहे तोपर्यंत मनोरंजनाच्या कार्यक्रमात सहभागी होऊ नये, असे आवाहन या संघटनेने अनेक सेलिब्रिटींना केले होते. मात्र सोमाने त्यांचे म्हणणे ऐकले नाही. परिणामी तिच्यावर बंदी घालण्यात आल्याचं बोललं जात आहे.

कांगलीपाक कानबा लूप गुप्रने याबाबत सांगितले की, मणिपूरमध्ये सुरू असलेल्या संघर्षाच्या पार्श्वभूमीवर कलाकारांनी अशा कार्यक्रमात जाणे टाळावे असे आवाहन केल्यानंतरही फिल्म स्टार सोमा लैशरामने त्याविरोधात जात 16 सप्टेंबर रोजी नवी दिल्ली येथे झालेल्या सौंदर्य स्पर्धेत भाग घेतला होता. त्यामुळे तिच्यावर ही बंदी घालण्यात आली आहे.

दरम्यान, राज्यातील सर्व चित्रपट संस्थांच्या संघटनेने सोमावर लादलेल्या केकेएलच्या निर्णयाला फिल्म फोरम मणिपूरने जोरदार विरोध केला आहे. या निर्णयावर टिका करत सोमावर लावण्यात आलेली बंदी ती मागे घेण्याचा पर्यंत करणार आहे.

तर या निर्णयानंतर सोमाने देखील प्रतिक्रिया दिली आहे. तिने नवी दिल्लीतील तालकटोरा स्टेडियममधील नॉर्थ ईस्ट स्टुडंट्स फेस्टिव्हलमध्ये भाग घेतला कारण तो ईशान्य भागातील सांस्कृतिक वारसा साजरा करणारा कार्यक्रम होता.

ती व्यावसायाने अभिनेत्री म्हणून, मणिपूरमधील संकटाबद्दल संवाद साधणे आणि बोलणे ही माझी जबाबदारी आहे आणि त्यासाठी मी हे व्यासपीठ निवडलं असल्याचेही तिने सांगितले.