Ashvini Mahangade visit Jejuri Khandoba Temple: 'आई कुठे काय करते' फेम अभिनेत्री अश्विनी महांगडे ही सोशल मीडियावर कायमच चर्चेत असते. अश्विनीला आपण कायमच विविध माध्यमांमधून अभिनय करताना पाहिलंय. अश्विनी सोशल मीडियावर विविध पोस्टच्या माध्यमातून चाहत्यांच्या संपर्कात असते.

अशातच अश्विनीने सोशल मीडियावर एक व्हिडीओ शेअर केलाय. या व्हिडीओत अश्विनी जेजुरीला खंडोबाच्या दर्शनाला गेलेली दिसतेय. अश्विनीने सोशल मीडियावर खंडोबा दर्शनाचा भारावून टाकणारा अनुभव शेअर केलाय.

अश्विनीचा जेजूरी दर्शनाचा भारावून टाकणारा अनुभव

अश्विनीने जेजुरी दर्शनासाठीचा व्हिडीओ पोस्ट केलाय. हा व्हिडीओ पोस्ट करुन अश्विनी लिहीते, "यळकोट यळकोट जय मल्हार.... सदानंदाचा येळकोट अखेर देवाने गडावर दर्शनासाठी बोलावलं.. इतक्या वेळा जेजुरीहून कुठेतरी कार्यक्रमानिमित्त जाणे झाले, गेल्या वर्षी #मन_मंदिरा_गजर_भक्तीचा चे वारीचे शूट जेजुरीच्या रस्त्यावर केले पण गडावर दर्शनासाठी जाणे झालेच नाही. मी जेव्हा तिथून जायचे आणि गड पाहायचे तेव्हा हेच मनात यायचे की देवाने अजून बोलावणे केलेच नाही. कधी योग येणार? कधी दर्शन होणार?
आणि देवांनी सांगावा धाडला.. दर्शन झाल्यावर जो आनंद झाला आणि तिथे जे जाणवले ते मांडता येणे कठीण."

अश्विनीचं वर्कफ्रंट...

अश्विनीच्या वर्कफ्रंटबद्दल सांगायचं तर... अश्विनी सध्या 'आई कुठे काय करते' मालिकेत अनघाची भूमिका साकारतेय. याशिवाय ती लवकरच 'पुण्यश्लोक अहिल्याबाई' सिनेमात अभिनय करताना दिसणार आहे.

पुण्यश्लोक अहिल्याबाई सिनेमाचं सध्या शुटींग सुरु असून अश्विनी या सिनेमात अहिल्याबाई होळकर यांची भूमिका साकारताना दिसणार आहे. हा सिनेमा पुढील वर्षी २०२४ ला रिलीज होण्याची शक्यता आहे.