मुंबई - अमिताभ यांनी 1 फेब्रुवारीला ट्विटरवर फॉलोअर्सची संख्या कमी होत असल्याचे सांगत ट्विटरचे अकांऊट बंद करण्याचे संकेत दिले होते. याची दखल घेत ट्विटरच्या अधिकाऱ्यांनी अमिताभ यांची भेट घेतली. भेटी दरम्यान, ट्विटरची कार्यपद्धती अमिताभ यांना समजवून सांगण्यात आली.  

दरम्यान, ट्विटरच्या बाबतीत आपल्या शंकांचे निरसन झाल्यानंतर अमिताभ यांनी पुन्हा ट्विट करत ट्विटर टीमचे आभार मानले आहेत. ट्विटर टीमसोबतचा फोटो देखील त्यांनी यावेळी शेअर केला आहे. ''ट्विटरची टीम मला भेटण्यासाठी आली आणि ​ट्विटर कसे काम करते हे त्यांनी मला समजावून सांगितले. त्यासाठी त्यांचे धन्यवाद!'' असे ट्विट अमिताभ यांनी केले आहे.

अमिताभ यांच्या फॉलोअर्सची संख्या 3.3 कोटींवरून 3.29 कोटींवर आली होती. सध्या ही संख्या 3.31 कोटी इतकी आहे.