'मुलगी झाली हो' (mulgi zali ho) या मालिकेमधील माऊच्या आयुष्यात घडणाऱ्या गोष्टी तसेच सिद्धांत आणि शौनक यांची माऊचे प्रेम मिळवण्याचा प्रयत्न या सर्व गोष्टींमुळे ही मालिका आता रंजक वळणावर येऊन थांबली आहे. दिव्या ही भूमिका साकारणारी अभिनेत्री प्रतीक्षा मुणगेकर(Pratiksha Mungekar) आता मुलगी झाली हो या मालिकेचा निरोप घेणार आहे. या मालिकेमध्ये प्रतीक्षाने खलनायिकेची भूमिका साकारली होता. सोशल मीडियावर प्रतीक्षाने तिचा एक खास फोटो शेअर केला. त्याला तिने कॅप्शन दिले, 'मुलगी झाली हो मालिकेतील दिव्या या भूमिकेला भरभरून प्रतिसाद दिलात त्याबद्दल मी आभारी आहे. पुढे देखील माझ्यावर प्रेम कायम असुद्यात. भेटूया लवकरच. धन्यवाद.' (mulgi zali ho serial marathi actress will leave the show)

प्रतीक्षा लवकरच नव्या मालिकेमधून प्रेक्षकांच्या भेटीस येणार आहे. नुकताच प्रतीक्षाने सोशल मीडियावर लाल रंगातील साडीमधील फोटो शेअर केला आहे. त्याला तिने कॅप्शन दिले, 'मी म्हणाले होते ना भेटूया लवकरच. आजपासून रात्री ९:३० वाजता कलर्स मराठीवर 'जीव माझा गुंतला''. 3 वर्षांनंतर प्रतीक्षा परत एकदा कलर्स मराठी वाहिनीवर दिसणार आहे. यापूर्वी प्रतीक्षा 'घाडगे अँड सून या' मालिकेमधून प्रेक्षकांच्या भेटीस आली होती.

'जीव माझा गुंतला' या मालिकेतील प्रतीक्षाचं अभिनय पाहण्यास प्रेक्षक उत्सुक झाले आहेत. 'मुलगी झाली हो' या मालिकेमधील माऊ, सिद्धांत आणि शौनक या प्रमुख भूमिकांना प्रेक्षकांची पसंती मिळाली आहे.