गांधी गोडसे एक युद्ध सिनेमा २६ जानेवारीला संपूर्ण भारतभर रिलीज झालाय. गांधी गोडसे एक युद्ध सिनेमाशी पठाण सोबत कडवी टक्कर आहे. अनेक ठिकाणी पठाणमुळे गांधी गोडसे एक युद्ध सिनेमाला थेटर सुद्धा मिळाले नाहीत. सगळीकडे फक्त पठाणची हवा आहे. अशातच अभिनेत्री जान्हवी कपूरने पठाण न बघता गांधी गोडसे एक युद्ध सिनेमा बघितलाय. काय आहे यामागचं मोठं कारण..

राजकुमार संतोषी यांची मुलगी तनिषा संतोषी हिने 'गांधी गोडसे एक युद्ध' या सिनेमातून अभिनय क्षेत्रात पदार्पण केलं. जान्हवी कपूर हि तनिषाची मैत्रीण आहे. सिनेमात तनिषाने महत्त्वाची भूमिका साकारलीये. तनिषाच्या अभिनयाचे अनेकांनी खूप कौतुक केले आहे. आता जान्हवी सुद्धा मैत्रीण तनिषाचा अभिनय पाहुन थक्क झाली आहे. जान्हवीने मीडियासमोर तनिषाच्या अभिनयाचे आणि गांधी - गोडसे एक युद्ध सिनेमाचं कौतुक केले आहे.

जान्हवी कपूर म्हणाली, 'मी तनिशाला लहानपणापासून ओळखते, पण तिचा असा अभिनय मी कधीच पाहिला नव्हता. तिच्या अभिनयात साधेपणा आहे. तनिषा मोठ्या पडद्यावर येते तेव्हा स्क्रीन व्यापून टाकते. तिच्या भूमिकेपेक्षा खऱ्या आयुष्यात ती खूप वेगळी आहे. मी तिच्यासाठी खूप आनंदी आहे. मला तनिषाचा अभिमान आहे. तिने तिच्या भूमिकेत जान ओतली आहे. मला आशा आहे की प्रेक्षकही तनिषाला भरभरून प्रेम देतील."

२६ जानेवारीला राजकुमार संतोषी दिग्दर्शित 'गांधी - गोडसे' प्रदर्शित होतोय. याशिवाय २५ जानेवारीला शाहरुखचा पठाण सुद्धा रिलीज झालाय. एकूणच पठाण सोबत गांधी - गोडसे सिनेमाचा सामना रंगलाय. राजकुमार संतोषी दिग्दर्शित 'गांधी गोडसे एक युद्ध' सिनेमात चिन्मय मांडलेकर नथुराम गोडसेंची भूमिका साकारतोय.

नथुराम गोडसे महात्मा गांधींवर गोळ्या झाडतो पण गांधी त्यातून वाचतात, पुढे गांधींना नथुरामला भेटण्याची इच्छा असते, अशी या सिनेमाची भन्नाट कल्पना आहे. जान्हवीच्या वर्क फ्रंट बद्दल बोलायचं झालं तर जान्हवीचा 'रुही' सिनेमा काही महिन्यांपूर्वी रिलीज झाला.