मुंबई : हिंदी तसेच दाक्षिणात्य चित्रपटसृष्टीमध्ये उत्तमोत्तम काम करत पूजा हेगडेने स्वतःचं एक वेगळं स्थान निर्माण केलं. काही दिवसांपूर्वीच प्रदर्शित झालेल्या ‘हाऊसफुल ४’ चित्रपटामधील तिच्या भूमिकेचंही विशेष कौतुक झालं.

आता पूजा पुन्हा दाक्षिणात्य चित्रपटांकडे वळली आहे. कामामधून ब्रेक न घेता ती थेट तिच्या आगामी ‘अला वैकुण्ठपुररामलू’ या तेलुगू चित्रपटाच्या तयारीला लागली आहे. या चित्रपटाच्या डबिंगला तिने सुरुवात केली आहे. शिवाय हैदराबादमध्ये तिने या चित्रपटाचे चित्रीकरणही पूर्ण केले आहे.

त्याचबरोबरीने तिच्या हाती सध्या आणखी एक दाक्षिणात्य चित्रपट आणि हिंदी चित्रपट आहे. प्रत्येक चित्रपटामधील तिची भूमिका वेगळ्या धाटणीची आहे.   

web title : Pooja Hegde back to Telugu films