चेन्नई- सुपरस्टार रजनीकांतची मुलगी सौंदर्या रजनीकांत दुसरं लग्न करण्याच्या तयारीत आहे. तिच्या लग्नाबाबत तिने तसे ट्विट करून सांगितले आहे. रजनीकांत यांची मुलगी सौंदर्या रजनीकांतने सांगितले आहे की, ती अभिनेता आणि उद्योगपती विशागन वनंगमुदी सोबत लग्न करणार आहे. येत्या 11 फेब्रुवारीला ती लग्न करणार असल्याची माहिती तिने दिली आहे.

सौंदर्याने ट्विट केले आहे की, 'आता केवळ एक आठवडा राहिला आहे. एका आठवड्यानंतर लग्न असल्याने मी अत्यंत खूश आहे. लग्न विशागन सौंदर्या' अशा आशयाचे ट्विट तिने केले आहे. सौंदर्याचे हे दुसरे लग्न असून सौंदर्याचे याआधी उद्योगपती अश्विन रामकुमार यांच्यासोबत 2010 मध्ये लग्न झाले होते. यानंतर तिने अश्विन रामकुमार यांच्यासोबत 2016 मध्ये घटस्फोट घेतला होता. अश्विन आणि सौंदर्याला वेद नावाचा एक मुलगादेखिल आहे.

ग्राफिक्स डिजाइनर म्हणून सौंदर्याने आपले करिअर केलेले आहे. त्याचबरोबर तिने 'बाबा', 'मजा', 'संदाकोझी' आणि 'शिवाजी' सारख्या चित्रपटातही काम केलेले आहे. त्याचबरोबर तिचा मंगेतर विशागनने 2018 मध्ये तमिळ चित्रपट 'वंजागर उलागम' या चित्रपटापासून आपल्या अभिनयाची सुरवात केली आहे.