दीपिका पदुकोन आणि रणवीर सिंग यांच्या काल एक वर्षं पूर्ण झाला. त्यांच्या अॅनिव्हर्सरीनिमित्त ते सध्या देवदर्शन करत आहेत. आज (ता. 15) पहाटेच ते दोघे अमृतसरमधील सुवर्ण मंदिरात पोहोचले असून, सकाळी सकाळी त्यांनी डोकं टेकवून दर्शन घेतले. 

दीपवीरच्या लग्नाचा पहिलाच वाढदिवस कसा साजरा होणार याकडे सर्वांचेच लक्ष लागले होते. दोघांनी काल कुटूंबियांसह तिरुमल्ला तिरुपतीचे दर्शन घेतले, तर आज ते सुवर्णमंदिरात गेले आहेत. दीपिका दाक्षिणात्या असल्याने त्यांनी प्रथम तिरूपतीचे दर्शन घेतले, तर पंजाबी रणवीरसाठी ते आज सुवर्णमंदिरात पोहोचले. 

दीपिका रणवीर मागच्याच वर्षी लग्नाच्या बेडीत अडकले, त्यांच्या लग्नाचा हा पहिलाच वाढदिवस. कालही ते दोघे नवविवाहीत जोडप्यासारखे सजले होते. तर आजही दोघं खूप सुंदर दिसत होते. दीपिका चॉकलेटी रंगाच्या पंजाबी सूटमध्ये तर रणवीर ग्रे रंगाच्या शेरवानीमध्ये खुलून दिसत होता. 

लग्नाच्या वाढदिवसाची सुरवातच या जोडीने देवाचे दर्शन घेऊन सुरू केली. हे दोघे थेट तिरूपतीला पोहोचले. तिरूमल्लाला जाऊन त्या दोघांनी सकाळी सकाळी तिरूपतीचे दर्शन घेतले. यावेळी दोघांचे कुटूंबियही त्यांच्यासोबत होते. दरेशनावेळी या दोघांनी पुन्हा एकदा नवविवाहित दाम्पत्यासारखा पेहराव केला होता. याने सर्वांचे लक्ष वेधून घेतले.