Bollywood news : बॉलीवूडमधील भाईजान सलमान खान (Salman Khan) हा नेहमीच त्याच्या वेगवेगळ्या कारणांसाठी चर्चेत असणारा अभिनेता आहे. काही दिवसांपूर्वी सलमानचा अंतिम (Salman Khan movie) नावाचा चित्रपट प्रदर्शित झाला होता. त्यामध्ये त्यानं प्रमुख भूमिका साकारली होती. मात्र तो काही फारसा प्रेक्षकांच्या पसंतीस पडला नाही. त्यानंतर बिग बॉसचा (Bigg Boss 15) होस्ट म्हणूनही सलमानला मोठ्या प्रमाणावर पसंती मिळाली होती. आता तो त्याच्या गर्लफ्रेंडमुळे चर्चेत आला आहे. त्याच्या युलिया वंतूर (iulia vantur) नावाच्या गर्लफ्रेंडनं त्याच्यावर कौतूकाचा वर्षाव केला आहे. तिनं त्याचं तोंडभरून कौतूक केलं आहे. (Salman Khan news)

युलियानं म्हटलं आहे की, तो चांगला अभिनेता असण्यासोबतच सर्वोत्तम होस्टही आहे. त्याच्यासारखा अन्य कुणी नाहीच. गेल्या बारा वर्षांपासून सलमाननं बिग बॉसचं होस्टिंग केलं आहे. आणि ते मोठ्या यशस्वीपणे केले आहे. त्याच्या होस्टिंगचे चाहत्यांनी कौतूकही केलं आहे. यंदाच्या सीझनमध्ये देखील त्यानं चाहत्यांची पसंती मिळवली होती. बिग बॉसचा चौथा सीझन सलमाननं होस्ट केला होता. तेव्हापासून ते आतापर्यतचा सलमानची होस्टिंग जर्नी भन्नाट असल्याचे युलियानं म्हटलं आहे.

भाईजानची जवळची मैत्रीण आणि गर्लफ्रेंड असल्याचे चर्चा असणारी युलिया ही गायिकाही आहे. युलियाची ओळख सलमानमुळे असल्याचे सांगितले जाते. गेल्या अनेक महिन्यांपासून ते एकमेकांना डेट करत असल्याचे सांगितले जात आहे. त्यांच्या अफेयरवरुन त्यांचे नाव नेहमीच चर्चेत असले तरी त्यांनी एकमेकांना कायमच एकमेकांचे चांगले मित्र असल्याचे म्हटले आहे. युलिया काही दिवसांपूर्वी बिग बॉसच्या 15 व्या सीझनमध्ये सलमान सोबत दिसली होती. यावेळी ती तिचं मै चला नावाच्या गाण्याचे प्रमोशन तिनं केलं होतं.