बॉलिवूडचा 'भाईजान' अर्थात अभिनेता सलमान खानच्या Salman Khan बहिणी अर्पिता खान शर्मा Arpita Khan Sharma आणि अलविरा अग्निहोत्री Alvira Agnihotri यांना कोरोनाची लागण झाली होती. 'राधे' या त्याच्या आगामी चित्रपटाच्या प्रमोशननिमित्त दिलेल्या मुलाखतीत सलमानने याचा खुलासा केला. या दोघींनाही कोरोनाची कोणतीच लक्षणे नव्हती आणि त्यांनी यशस्वीरित्या त्यावर मात केली, असंही त्याने सांगितलं. कोरोनाची दुसरी लाट ही आणखी धोकादायक असल्याचं मत त्याने यावेळी मांडलं. (Salman Khan reveals sisters Arpita and alvira tested positive for Covid 19)

सलमान म्हणाला, "माझ्या बहिणी अलविरा आणि अर्पिता या दोघींचा कोव्हिड रिपोर्ट पॉझिटिव्ह आला होता. कोरोनाची दुसरी लाट ही अधिक धोकादायक आहे. यावेळी आमच्या कुटुंबातच कोरोनाचा शिरकाव झाला. गेल्या वेळी आमच्या ड्राइव्हर्सनाही कोरोनाची लागण झाली होती. मात्र यंदा विषाणूची लागण होण्याचा धोका अधिक वाढला आहे."

हेही वाचा : अभिनवने श्वेताकडून बळजबरीने मुलाला घेतलं हिसकावून; घटना सीसीटीव्हीत कैद

सलमानच्या या मुलाखतीनंतर त्याची बहीण अर्पिताने सोशल मीडियावर पोस्ट लिहित स्पष्टीकरण दिलं. 'एपिल महिन्याच्या सुरुवातीला मला कोरोनाची लागण झाली होती. पण मला कोणतीच लक्षणे नव्हती. मी सर्व नियमांचं पालन केलं आणि देवाच्या कृपेने त्यातून बरी झाली. तुम्हीसुद्धा सुरक्षित राहा आणि काळजी घ्या', अशी पोस्ट अर्पिताने लिहिली.

कोरोना काळात सलमानकडून मदतीचा ओघ सुरूच आहे. गेल्या महिन्यात त्याने मुंबईतील ५००० फ्रंटलाइन वर्कर्ससाठी जेवणाची सोय केली होती. त्यानंतर आता तो २५ ते ५० हजार सिने वर्कर्ससाठी औषधं आणि जेवणाची सोय करत आहे.