Tiger 3 New Promo: सलमान खान आणि कतरिना कैफचा 'टायगर 3' हा चित्रपट हा यावर्षीचा बहुप्रतिक्षित सिनेमा आहे. दोघांचे चाहते या चित्रपटासाठी खुपच उत्सुक आहेत. 'टायगर 3' चित्रपट आता रिलिजसाठी सज्ज झाला आहे. दिवाळीच्या मुहूर्तावर टायगर 3 चित्रपटगृहात दाखल होणार आहे.

आता टायगर 3च्या चाहत्यांसाठी एक आनंदाची बातमी समोर आली आहे. रिपोर्ट्सनुसार, सलमानच्या या अ‍ॅक्शन चित्रपटाला सेंट्रल बोर्ड ऑफ फिल्म सर्टिफिकेशन (CBFC) कडूनही परवानगी मिळाली आहे. त्याचबरोबर CBFC कडून या चित्रपटाला सकारात्मक प्रतिसाद मिळाला आहे. महत्वाचं म्हणजे 'टायगर 3'ला CBFC ने झिरो कटसह मंजुरी दिली आहे.

यावेळी कोणताही सीन काढण्यात आलेला नाही मात्र काही शब्दात बदल करण्यात आले आहेत. 'बेवकूफ', 'मशरूफ', 'मूर्ख', 'व्यस्त' असे काही शब्द काढण्यात आलेले आहे. त्याबरोबर चित्रपटात जिथे RAW अशा उल्लेख करण्यात आला आहे तिथे निर्मात्यांना R&AW करण्यास सांगितले आहे. यासोबत आता चित्रपटाला U/A प्रमाणपत्र देण्यात आले. हा सिनेमा 2 तास 22 मिनिटांचा आहे.

तर दुसरीकडे चित्रपटाच्या निर्मात्यांनी चाहत्यांनाही एक सरप्राइज दिलं आहे. निर्मात्यांनी "टायगर 3" चा दुसरा प्रोमो शेयर केला आहे. या प्रोमोमध्ये सलमानसोबतच कतरिनाचा अ‍ॅक्शन सीनसोबत इम्रार हाश्मी देखील आपल्या अभिनयाची छाप सोडताना दिसत आहे.

सलमान खान, कतरिना कैफ आणि इमरान हाश्मीशिवाय या चित्रपटात शाहरुख खान देखील दिसणार आहे. 'टायगर' फ्रँचायझीचा हा तिसरा भाग आहे. हा चित्रपट 12 नोव्हेंबरला प्रदर्शित होणार आहे. चित्रपटाचे शो सकाळी 7 वाजल्यापासून सुरु होणार आहे.