Sahil Khan News: 'स्टाईल' आणि 'एक्सक्यूज मी' हे सिनेमे आठवतात? त्या चित्रपटांमध्ये दिसलेला बॉलिवूड अभिनेता साहिल खान मोठ्या संकटात सापडला आहे. एका महिलेला जीवे मारण्याची धमकी दिल्याप्रकरणी त्याच्यावर FIR दाखल करण्यात आला आहे. सोशल मीडियावर पीडितेबद्दल अपमानास्पद पोस्ट लिहिल्याप्रकरणी मुंबई पोलिसांनी साहिल खानविरोधात एफआयआर नोंदवला आहे. काय आहे हे संपूर्ण प्रकरण, सांगूया.

एएनआयने दिलेल्या माहितीनुसार, ही महिला ओशिवरा येथील रहिवासी आहे. तिने 15 एप्रिल रोजी या अभिनेत्याविरोधात मुंबई पोलिसांकडे तक्रार दाखल केली होती. पोलिसांनी सांगितले की, महिलेच्या म्हणण्यानुसार, फेब्रुवारी 2023 मध्ये साहिल खानचे एका महिलेसोबत पैशावरून भांडण झाले होते. त्यानंतर साहिल खानने तिच्यासोबत गैरवर्तनच केले नाही तर जीवे मारण्याची धमकीही दिल्याचा आरोप महिलेने केला आहे.