Shahrukh Khan Birthday:असं म्हणतात अनेकदा काही नाती ही रक्ताच्या नात्यापेक्षा घट्ट असतात. शाहरुखच्या बाबतीतही असंच काहीसं आहे. गौरी खान व्यतिरिक्त अशी आणखी एक महिला आहे ,जी शाहरुखच्या सुख-दुःखात नेहमी त्याच्यासोबत उभी दिसते. (Shahrukh Khan,pooja Dadlani birthday,king khan manager know profile)

ही महिला दुसरी-तिसरी कोणी नसून शाहरुखची मॅनेजर पूजा ददलानी आहे. शाहरुख खान आपली मॅनेजर पूजा ददलानीसोबत खूप खास बॉन्ड शेअर करतो. पूजा ददलानी शाहरुखसोबत सावलीसारखी असते असं म्हटलं तर अतिश्योक्ती नक्कीच होणार नाही. योगायोगानं दोघांचा वाढदिवसही एकाच दिवशी असतो. आज २ नोव्हेंबर जसा शाहरुखचा वाढदिवस आहे,त्याच दिवशी त्याची मॅनेजर पूजा ददलानीचा देखील वाढदिवस असतो. चला,यानिमित्तानं जाणून घेऊया पूजा ददलानी विषयी खास गोष्टी.

पूजा ददलानी शाहरुख खानची मॅनेजर आहे. पूजाचा जन्म २ नोव्हेंबर १९८३ साली झाला आहे. पूजा गेल्या १० वर्षांपासून शाहरुखची मॅनेजर म्हणून काम पाहत आहे. पूजा २०१२ पासून शाहरुखचं काम पाहत आहे. पूजा शाहरुखच्या रेड चिली कंपनीचं काम पाहतानाच त्याच्या आयपीएल टीम कोलकाता नाइट रायडर्सचं काम देखील मॅनेज करते.

शाहरुखची मॅनेजर पूजा ददलानी त्याची पत्नी गौरी खानसोबत देखील खास बॉन्ड शेअर करते. इतकंच नाही तर सुहाना-आर्यनसोबतही तिचं खास ट्युनिंग आहे.

रिपोर्ट्सनुसार माहिती समोर येत आहे की पूजानं शाहरुखच्या 'चेन्नई एक्सप्रेस' सिनेमाला को-प्रोड्युस केलं होतं. या सिनेमात किंग खान आणि दीपिका पदूकोण मुख्य भूमिकेत होते.

पूजा केवळ शाहरुखची मॅनेजर नाही तर ती त्याच्या कुटुंबाचाच एक भाग असल्यासारखी आहे. शाहरुखच्या आयुष्यातील अनेक कठीण प्रसंगी पूजा त्याच्यासोबत उभी दिसली. आर्यन खान ड्रग्ज प्रकरणातही पूजानं शाहरुखला खूप पाठिंबा दिल्याचं त्याने स्वतःच स्पष्ट केलं होतं.

आर्यन खान ड्रग्ज प्रकरणाच्या सुनावणी दरम्यानं भावूक झालेल्या पूजाचे फोटो व्हायरल झाले होते. आर्यनला अडचणीत सापडल्याचं पाहून ती रडली देखील होती. पूजा देखील आपल्या सोशल मीडियावर शाहरुखसोबतचे आणि त्याच्या कुटुंबासोबतचे फोटो शेअर करताना दिसते. शाहरुखच्या फिल्म इंडस्ट्रीतील जवळच्या मित्र-मैत्रिणींसोबत म्हणजे करण जोहर,फराह खानसोबतही पूजाचे जवळचे संबंध आहेत.