Aarya Ambedkar News: आर्या आंबेकर ही मराठी मनोरंजन विश्वातील लोकप्रिय गायिका - अभिनेत्री. आर्याने तिच्या सुमधूर गायनाने लाखो लोकांच्या मनावर राज्य केलं. हृदयात वाजे समथिंग असो की केवड्याचं पान असो आर्याची गाणी अनेकांच्या प्लेलिस्टमध्ये असतील.

अशातच आर्याने सोशल मीडियावर पंतप्रधान नरेंद्र मोदींना उद्देशून एक पोस्ट केलीय. काय म्हणाली आर्या? बघा.

आर्याने पंतप्रधान मोदींना उद्देशून केली पोस्ट

आर्या आंबेकरने पंतप्रधान मोदींचा एक फोटो पोस्ट केलाय. या फोटोंमध्ये मोदींची लक्षद्वीपमधली पोस्ट दिसतेय. हे फोटो पोस्ट करुन आर्या लिहीते, "माझा भारत देश सर्वात चांगला आहे. आणि माझ्या देशाचे पंतप्रधान सर्वात बेस्ट आहेत."

अशाप्रकारे आर्याने पंतप्रधान मोदींचं कौतुक केलंय.

मोदींनी केलेलं फोटोशूट चर्चेत?

पंतप्रधान नरेंद्र मोदी यांनी केंद्रशासित प्रदेश असलेल्या लक्षद्वीपला नुकतीच भेट दिली. यावेळी त्यांनी एक दिवस निवांत बीचवर वेळ घालवला.

यामध्ये त्यांनी वॉटर स्पोर्ट्स तसेच स्नॉर्कलिंगचा आनंदही लुटला. लक्षद्वीप या बेटावरील सौंदर्याचं यावेळी मोदींनी कौतुक केलं आहे. 

लक्षद्वीपच्या पर्यटनाला चालना देण्याचा प्रयत्न?

नरेंद्र मोदींनी लक्षद्वीपला फोटोशूट केल्यावर अमित शहांनी ट्विट केलं की, "मनमोहक समुद्रकिनारे, निळ्या पाण्याचे सरोवर आणि बरंच काही लक्षद्वीपमध्ये आहे. ज्यामध्ये जागतिक पर्यटन स्थळ बनण्याची अफाट क्षमता आहे. यासाठी पंतप्रधानांचे आभार की त्यांनी लक्षद्वीपला प्रोत्साहन देण्यासाठी फोटोशूट केलं. यामुळं पर्यटन आणि अर्थव्यवस्थेला नक्कीच चालना मिळेल आणि त्यामुळं तिथल्या लोकांचं जीवनमान उंचावेल"

त्यामुळे PM मोदींनी लक्षद्विपच्या पर्यटनाला प्रोत्साहन देण्यासाठी इथल्या बीचेसवर फोटोशूट केलं आणि ते फोटो सोशल मीडियातून शेअरही केले.