आर्यन खानला पासपोर्ट परत करण्याचे आदेश स्पेशल कोर्टाने एनसीबीला (NCB) आज दिले आहे. शाहरुख खानचा मुलगा आर्यन खान (Aryan Khan) गेल्या वर्षी क्रूझ ड्रग्स प्रकरणी अडकला होता. त्याला २ ऑक्टोबर २०२१ रोजी ताब्यात घेतले होते. या प्रकरणात क्लिनचिट मिळाल्यानंतर आर्यनने स्पेशल एनडीपीएस न्यायालयात पासपोर्ट परत करण्याचे आणि बाँड रद्द करण्याची याचिका दाखल केली होती. आर्यन खान प्रकरणात विशेष न्यायालयानं एक महत्वाचा निर्णय दिला आहे. गेल्या काही दिवसांपासून आर्यन खान प्रकरणाची चर्चा आहे. त्यात न्यायालयाकडून कोणता आदेश दिला जाणार याकडे सर्वांचे लक्ष लागले होते.

या प्रकरणी माहिती देताना आर्यन खानचे वकील अमित देसाई यांनी सांगितले की, जेव्हा एखाद्या आरोपीवर कारवाई करण्याचे थांबवले जाते तेव्हा जो आदेश न्यायालयाकडून दिला जातो त्याचे पालन करणे बंधनकारक आहे. यावर विशेष न्यायाधीश यांनी देसाई यांना उलट प्रश्न केला. तो असा की, तुम्हाला आर्यन खानचा बेल बाँड आणि पासपोर्ट पुन्हा हवा आहे का, त्यावर देसाई यांनी आम्हाला एनसीबीकडून उत्तर मिळाले आहे. त्यांना आता आरोपी आर्यन खानकडून कोणत्याही प्रकारची तक्रार नसल्याचे सांगण्यात आले आहे. याचे कारण म्हणजे त्याच्या विरोधात कोणत्याही प्रकारचा पुरावा मिळालेला नाही. आणि त्याच्या विरोधात कोणतीही चौकशी केली जाणार नाही.

या प्रकरणाची चौकशी करणारे एनसीबीचे माजी अधिकारी समीर वानखेडे (Sameer Wankhede) यांच्या तपासावर प्रश्नचिन्ह उपस्थित करण्यात आलं होतं. त्यांच्यावर कारवाईचे आदेश देण्यात आले आहेत.