Sunny Deol brutally trolled: प्रसिद्ध चित्रपट निर्माते-दिग्दर्शक राजकुमार कोहली यांचे 24 नोव्हेंबर रोजी मुंबईत हृदयविकाराच्या झटक्याने निधन झाले. वयाच्या 93व्या वर्षी त्यांनी अखेरचा श्वास घेतला.

'जानी दुश्मन' आणि 'नागिन' यांसारख्या चित्रपटांसाठी राजकुमार कोहली यांना ओळखले जायचे. त्यांच्या निधनानंतर रविवारी त्यांचा मुलगा अरमान कोहली याने शोक सभेचे आयोजन केले होते.

यावेळी राजकुमार कोहली यांना श्रद्धांजली देण्यासाठी या प्रार्थना सभेत अनेक कलाकार उपस्थित होते.

यावेळी सनी देओल, जॅकी श्रॉफ, शत्रुघ्न सिन्हा, जॅकी श्रॉफ, राज बब्बर आणि विंदू दारा सिंह यांच्यासह अनेक सेलिब्रिटींनीही राजकुमार कोहलींच्या शोकसभेला हजेरी लावली होती

या प्रार्थना सभेदरम्यान सनी देओलचा एक व्हिडिओ सोशल मिडियावर वेगानं व्हायरल होत आहे. इतकच नाही तर या व्हायरल व्हिडिओमुळे नेटकरी त्याला ट्रोलही करत आहे.

या व्हायरल व्हिडिओत सनी देओल हा विंदू दारा सिंह यांच्याशी बोलताना दिसत आहे. मात्र तो जोर जोरात हसत आहे. हा व्हिडिओ पाहिल्यानंतर नेटकरी सनीवर खुपच नाराज झाले आहेत. चित्रपट निर्मात्याच्या शोक सभेत हसल्याबद्दल त्याच्यावर टीका होत आहे.

"ही शोकसभा आहे की पार्टी?" तर दुसर्‍याने लिहिले, "निर्लज, मृत माणसाच्या मुलासमोर असा हसतोय." तर एकानं लिहिलय, “प्रार्थना सभेत कोण इतकं हसते?” निर्लज्ज.'' अशा अनेक कमेंट नेटकरी या व्हिडिओला करत आहे.

एएनआयच्या वृत्तानुसार, राजकुमार कोहली शुक्रवारी सकाळी आंघोळीसाठी गेले होते. बराच वेळ झाला मात्र ते बाहेर न आल्याने अरमानने बाथरुमचा दरवाजा तोडला तेव्हा त्याचे वडील जमिनीवर पडलेले दिसले. घरी आलेल्या डॉक्टरांनी त्यांना मृत घोषित केले.