Karnataka TET Admit Card: सोशल मीडियावर एक धक्कादायक प्रकार समोर आला आहे. प्रवेशपत्रावर बॉलीवूड सेलिब्रेटींचे फोटो छापून येणं ही गोष्ट यापूर्वी देखील घडली आहे. मात्र ज्या सेलिब्रेटीचा फोटो व्हायरल झाला आहे त्यानं नेटकऱ्यांचे लक्ष वेधून घेतले आहे. कर्नाटकातील एका विदयार्थीनीच्या परीक्षा प्रवेशपत्रावर चक्क सनी लियोनीचा फोटो छापून आल्यानं त्याची चर्चा सुरु झाली आहे.

त्याचे झाले असे की, कर्नाटकामध्ये टीईटी परिक्षेच्या संदर्भातील एक धक्कादायक प्रकार समोर आला आहे. त्यामुळे परीक्षा विभागाला देखील नवल वाटले आहे. अॅडमिट कार्डवर सनी लियोनीचा फोटो छापून आल्यानं त्यांना काय बोलावे, त्यावर काय उत्तर द्यावे असा प्रश्न पडला आहे. यासगळ्या प्रकरणाची माहिती कर्नाटक कॉग्रेसचे चेअरमन बी आर नायडू यांनी ट्विट करुन दिली आहे. शिक्षकांची भरती असलेल्या टीईटी परीक्षा प्रवेश पत्रावर सनी लियोनीचा फोटो आला आहे. त्यामुळे या प्रकरणाची सखोल चौकशी व्हायला हवी. असे नायडू यांनी म्हटले आहे.

सनी लियोनीची मनोरंजन विश्वात असलेली ओळख सर्वांनाच माहिती आहे. अशावेळी तिचा फोटो एखाद्या विद्यार्थीनीच्या प्रवेश पत्रावर छापून आल्यानं त्या विद्यार्थीनीची देखील मानहानी आहे. असे तक्रारदारानं म्हटले आहे. संसदेत जे खासदार पॉर्न व्हिडिओ पाहतात त्यांच्याकडून आणखी कोणत्या प्रकारची अपेक्षा करणार असा प्रश्न नायडू यांनी आपल्या व्टिटमधून उपस्थित केला आहे. किमान शिक्षणात तरी राजकारण करु नका, त्यासाठी अशा गोष्टींचा वापर करु नका. या शब्दांत नाराजी व्यक्त करण्यात आली आहे.

याप्रकरणाची कर्नाटक शिक्षण विभागाकडून चौकशी सुरु करण्यात आली आहे. त्यावर राजकारणही तापले आहे. कॉग्रेस आणि बीजेपी यांच्यात वाद सुरु झाला आहे. दुसरीकडे सोशल मीडियावर या प्रकरणानं नेटकऱ्यांचे लक्ष वेधून घेतले आहे.