नवी दिल्ली - लोकसभा निवडणूकांच्या पाश्वभूमिवर येणार असल्याने 'पीएम नरेंद्र मोदी' चित्रपटाच्या अडचणीत पुन्हा भर पडली आहे. सर्वोच्च न्यायालयाने या चित्रपटाला स्थगिती दिली आहे. या चित्रपटाला सेन्सॉर बोर्डाने मान्यता दिली आहे. तसेच 'यू' सर्टिफिकेट चित्रपटाला मिळाले होते. उद्या 11 एप्रिल (गुरुवार) रोजी हा चित्रपट प्रदर्शित होणार होता. परंतु, आता चित्रपटाला पुन्हा स्थगिती मिळाली आहे.
'पीएम नरेंद्र मोदी' या चित्रपटाच्या प्रदर्शनाविरोधात दाखल केलेली याचिका सर्वोच्च न्यायालयाने फेटाळली होती. हा चित्रपट निवडणूक काळात प्रदर्शित झाला तर त्यामुळे आचारसंहितेचा भंग होईल का? याचा निर्णय निवडणूक आयोगाने घ्यावा, असे मत सर्वोच्च न्यायालयाने मांडले होते. तसेच न्यायालयाने या प्रकरणाची दखल घेण्याची आवश्यकता नसल्याचेही म्हटले होते.
यानंतर, चित्रपटात मोदींची भूमिका साकारणारा अभिनेता विवेक ओबेरॉय याने याबाबत ट्विट देखील केले होते. ट्विटमध्ये त्याने आम्ही सर्वोच्च न्यायालयात जिंकलो असल्याचे म्हटले होते.. तुम्हा सर्वांचे आभार. लोकशाहीवरील विश्वास दृढ केल्याबद्दल भारतीय न्यायव्यवस्थेचे आभार असेही तो ट्विटमध्ये म्हणाला होता.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.