मुंबई- दिवंगत अभिनेता सुशांत सिंह राजपूत बॉलीवूडचा बादशाह शाहरुख खानचा लहानपणापासून मोठा चाहता होता. सुशांत सिंहने अनेक कार्यक्रमात आणि जिथे संधी मिळेल तिथे शाहरुखनप्रती त्याचं प्रेम व्यक्त केलं होतं आणि त्याला स्वतःचं प्रेरणास्त्रोत बनवलं होतं. आता सुशांत सिंह राजपूत आणि शाहरुख खानचा एक व्हिडिओ सोशल मिडियावर मोठ्या प्रमाणावर व्हायरल होतोय. या व्हिडिओमध्ये सुशांत सिंह शाहरुखच्या स्टाईलची नक्कल करत एक डायलॉग बोलत आहे.

हे ही वाचा: नेहा कक्करने सोशल मिडियावरुन घेतला काढता पाय, म्हणाली...

सुशांतचा हा व्हायरल व्हिडिओ रिऍलिटी शो 'इंडिया पुछेगा.. सबसे श्याना कौन?' मधील आहे. हा शो शाहरुख खान होस्ट करत होता. गेल्या दिवसात सुशांत सिंह राजपूतचा डिटेक्टीव्ह व्योमकेश बक्क्षी रिलीज झाला होता आणि तो या शोमध्ये सिनेमाचं प्रमोशन करण्यासाठी आला होता. या व्हिडिओमध्ये सुशांत सिंह राजपूतने धोती-कुर्ता घातलेला दिसतोय. शाहरुख खानच्या शोमध्ये येऊन तो खूप आनंदी दिसत होता. 

व्हायरल व्हिडिओमध्ये असं पाहायला मिळतंय की सुशांत प्रेक्षकांना सांगतोय की तो लहानपणापासून शाहरुखचा खूप मोठा चाहता आहे आणि शाळा कॉलेजमध्ये असल्यापासूनंच तो त्याची सिग्नेचर हात पसरवणा-या स्टाईलची नक्कल करायचा. त्यानंतर तो शाहरुख खानचा सुपरहिट सिनेमा 'चक दे' इंडियामधील प्रसिद्ध डायलॉग बोलण्याची परवानगी मागतो. यानंतर सुशांत सिंह म्हणतो, 'इस इलाके का गुंडा मै हूं.' त्यानंतर तो गुडघ्यावर बसतो शाहरुखच्या रोमँटींक अंदाजात त्याची हात पसरवण्याची स्टाईल करतो. सुशांतने शाहरुख समोरंच त्याची केलेली ही नक्कल पाहून रिएक्शन देतो.

शाहरुख खुप खुश होतो आणि त्याला प्रेमाने मिठी मारतो. सुशांत सिंह राजपूतच्या आत्महत्येनंतर सोशल मिडियावर सध्या घराणेशाहीवरुन वाद पेटला आहे.   

sushant singh rajput fans of shah rukh khan from childhood and loved his loving impression