Sushmita Sen Latest News ब्युटी क्वीन सुष्मिता सेन (Sushmita Sen) पुन्हा एकदा लव्ह लाइफमुळे चर्चेत आली आहे. रोहमन शॉलसोबत ब्रेकअप झाल्यानंतर सुष्मिताने ललित मोदीसोबतचे नाते अधिकृत केले. ललित मोदीसोबत रिलेशनशिपमध्ये आल्यानंतर सुष्मिता पुन्हा एक्स बॉयफ्रेंड रोहमन शॉलसोबत (Rohman Shawl) दिसली. सुष्मिता व रोहमनला एकत्र पाहून लोकांना धक्का बसला आहे.

आमिर खानच्या लाल सिंह चड्ढा या चित्रपटाचे स्क्रिनिंग आदल्या दिवशी आयोजित करण्यात आले होते. सुष्मिता आपल्या मुलींसोबत आमिर खान आणि करिना कैफचा चित्रपट पाहण्यासाठी गेली होती. सुष्मितासोबत तिचा एक्स बॉयफ्रेंड रोहमन शॉलही (Rohman Shawl) दिसला. मात्र, ललित मोदी (Lalit Modi) तिथे उपस्थित नव्हते. ललित मोदींऐवजी सुष्मिताला एक्स बॉयफ्रेंडसोबत पाहून लोक आश्चर्यचकित झाले.

सुष्मिता सेन (Sushmita Sen) आणि रोहमन शॉलचा व्हिडिओ सोशल मीडियावर व्हायरल होत आहे. युजर्स सुष्मिता सेनला ललित मोदीबद्दल विचारत आहे. एका यूजरने लिहिले की, ललित मोदी कुठे आहेत? तर दुसऱ्या यूजरने लिहिले, काय चालले आहे? तिसऱ्याने लिहिले, तुला काय करायचे आहे? यापूर्वी सुष्मिता सेन रोहमन शॉलसोबत पार्टी करताना दिसली होती.

सुष्मिताच्या लाईव्ह व्हिडिओमध्ये रोहमन शॉल मागील बाजूस दिसला होता. रोहमन शॉलला सुष्मिता आणि कुटुंबीयांसोबत मस्ती करताना पाहून चाहते आश्चर्यचकित झाले. सुष्मिता सेन आणि रोहमन शॉल तीन वर्षे डेटिंग केल्यानंतर गेल्यावर्षी डिसेंबरमध्ये वेगळे झाले होते. रोहमनसोबत ब्रेकअप झाल्यानंतरच सुष्मिताने ललित मोदीसोबत डेटिंग केल्याच्या वृत्ताला पुष्टी दिली होती. आता सुष्मिताला रोहमन शॉलसोबत पाहून यूजर्स पुन्हा एकदा गोंधळात पडले आहेत.