53 वा (इफ्फी) भारतीय आंतरराष्ट्रीय चित्रपट महोत्सव (International Film Festival of India) नुकताच गोव्यात पार पडला. यावेळी 'इफ्फी'चे ज्यूरी नदाव लॅपिड (Nadav Lapid) यांनी 'द कश्मीर फाइल्स' सिनेमासंदर्भात वादग्रस्त वक्तव्य केलं. त्यानंतर मोठा वाद पेटला आहे. या चित्रपटात वास्तव दाखवलं की रंजकता यावरून अनेकजण आपले मत व्यक्त करत आहेत. अखेर यावर 'द कश्मीर फाइल्स'चे दिग्दर्शक विवेक अग्निहोत्री यांनी मोठे वक्तव्य केले आहे. एक ट्विट करत त्यांनी ही घोषणा केली.

(Vivek Agnihotri announces 'The Kashmir Files Unreported after iffi jury controversy)

या फेस्टिवल मध्ये नवाद म्हणाले होते,"द कश्मीर फाइल्स' या सिनेमाचा 'इफ्फी' सारख्या महोत्सवात समावेश होणं ही धक्कादायक बाब असून हा प्रपोगंडा आणि वल्गर सिनेमा आहे'. यावरुन सध्या मोठा वाद सुरू आहे. मनोरंजन विश्वासह राजकीय विश्वातूनही यावर प्रतिक्रिया येत आहेत. या वादादरम्यान दिग्दर्शक विवेक अग्निहोत्री (Vivek Agnihotri) यांनी मोठी घोषणा केली. एक ट्वीट करत 'द कश्मीर फाइल्स अनरिपोर्टेड' (The Kashmir Files Unreported) ही डॉकयू सिरिज म्हणजेच महितीपटांची मालिका ते बनवणार असल्याची माहिती दिली आहे. 

द कश्मीर फाइल्स अनरिपोर्टेड' हा एक माहितीपट असणार आहे. यामध्ये जगासमोर न आलेल्या कित्येक गोष्टींचा उलगडा विवेक अग्निहोत्री करणार आहेत. माझ्याकडे इतकी माहिती आहे, इतके पुरावे आहेत की 10 चित्रपट बनवू शकतो. तरीही मी एकाच बनवला. पण ही घटना किती सत्य आहे ही तुम्हाला बघायचच असेल तर आता तेही दाखवतो, असेही म्हणाले. म्हणूनच त्यांनी ही घोषणा केली.

11 मार्च 2022 रोजी प्रदर्शित झालेला 'द कश्मीर फाइल्स' हा सिनेमा नव्व्दच्या दशकात काश्मीर खोऱ्यातील पंडितांच्या हत्येच्या आणि अमानुष अत्याचारांच्या घटणांचे वर्णन करणारा आहे. विवेक अग्निहोत्री यांनी या सिनेमाच्या दिग्दर्शनाची धुरा सांभाळली आहे. या चित्रपटाने जवळपास 250 कोटींचा गल्ला जमवला. आता 'द कश्मीर फाइल्स'च्या 'इफ्फी' येथील टिकेनंतर विवेक अग्निहोत्री यांनी द कश्मीर फाइल्स'चा पुढचा भाग 'द कश्मीर फाइल्स अनरिपोर्टेड' बनवणार असल्याची घोषणा केली आहे.