YouTube bodybuilder Jo Lindner passes away: जर्मन बॉडीबिल्डर आणि प्रसिद्ध यूट्युबर जो लिंडनर यांचे वयाच्या अवघ्या 30 व्या वर्षी निधन झाले. 'पोगारू' या चित्रपटात त्याने रश्मिका मंदान्नासोबत काम केले होतं.

जो लिंडनर यांच्या निधनानंतर त्यांच्या चाहत्यांना मोठा धक्का बसला आहे. रिपोर्ट्सनुसार, जो लिंडनर हा एन्युरिझम नावाच्या गंभीर आजाराने ग्रस्त होता.

त्याच्या जवळच्या मित्र-मैत्रिणींनी लिंडनरलाच्या मृत्यूची ही दु:खद बातमी दिली आणि त्याला श्रद्धांजली वाहिली आहे.

त्याचा जवळचा मित्र नोएल डेझेल म्हणाला, 'रेस्ट इन पीस' जो'. मी अजूनही माझा फोन चेक करत आहे. तुझ्या रिप्लायची वाट पाहतोय. जेणेकरून आपण जिममध्ये भेटू शकू..'

तर त्याची गर्लफ्रेंड निचा हिने देखील तिच्या इन्स्टाग्रामवर त्याच्या मृत्यूची पुष्टी केली. तिने सांगतिले की, 'जो लिंडनरचा काल एन्युरिझममुळे मृत्यू झाला.

मी त्याच्यासोबत रूममध्ये होते, त्याने माझ्यासाठी बनवलेला हार माझ्या गळ्यात घातला. तो 4 वाजता जिममध्ये नोएलला भेटण्यासाठी वाट पाहत होता. 3 दिवसांपूर्वी त्याने मला सांगितले की त्याच्या मानेमध्ये दुखत आहे.

पुढे असं काहीतरी हाईल याची मला मुळीच कल्पना नव्हती. मी खुप भावुक झाली आहे.' त्याची गर्लफ्रेंड देखील बॉडीबिल्डर आहे, तिच्या इन्स्टाग्राम फीडवर दोघेही फोटो शेयर करायचे.

YouTube बॉडीबिल्डर हा सोशल मीडियाचा प्रभाव होता. जोएस्थेटिक्स या नावाने त्याची इन्स्टा वर ओळख होती. आता त्यांच्या शेवटच्या पोस्टवर त्याचे चाहते त्याला आदरांजली वाहत आहेत.