औंढा नागनाथ : येथील नागनाथाचे दर्शन घेऊन प्रथमेश उर्फ लल्ला देव हा युवक अयोध्या नगरीकडे सकाळी पाच वाजता श्री नागनाथाचा अभिषेक व महापूजा करून रवाना झाला आहे.

२२ जानेवारी रोजी अयोध्या येथे प्रभू रामाची मूर्ती स्थापना व विविध धार्मिक कार्यक्रम आयोजित केले आहेत. देशभरातून अनेक रामभक्त या सोहळ्यात सहभागी होण्यासाठी जात आहेत. त्यानुसार औंढा येथील रामभक्त लला देव हा सायकलवरून जवळपास हजारो किलोमीटर प्रवास करणार आहे.

तो सकाळी नऊ वाजता हिंगोली येथे कयाधू अमृतधारा महादेव मंदिर या ठिकाणी पोहोचला. त्या ठिकाणी आमदार संतोष बांगर यांनी त्याचा शाल श्रीफळ देऊन सत्कार केला. यावेळी शिवसेना तालुका प्रमुख तथा माजी उपनगराध्यक्ष साहेबराव देशमुख, माजी उपसभापती अनिल देशमुख, नगरसेवक राहुल दंतवार, सुबोध देशपांडे, बाबाराव सावळे, शंकर यादव यांच्यासह नागरिक उपस्थित होते.