अहमदपूर - तालुक्यातील शेनकुड जवळील मन्याड नदी पात्रात बुडून रविवारी (ता. 6) दोन युवकांचा मृत्यू झाला आहे.
तालुक्यातील शेणकुड गावाजवळील मन्याड नदीपात्रात पूल होणार असल्याने त्या ठिकाणी खोदकाम झाले आहे. या नदीपात्रात विविध ठिकाणी वाळू काढण्याच्या अनुषंगाने खड्डे खोदले गेले आहेत.मागील आठवड्यात झालेल्या पावसाने नदीच्या पात्रात वाहते पाणी आहे.
अहमदपूर शहरात भाग्य नगर येथे राहत असलेले अनिल बबन नागरगोजे (17 वर्ष, रा.टाकळगाव शेनकुड), तुषार दत्ताराव पवार (17 वर्ष, रा. धसवाडी) दोघे मन्याड नदी पात्रात रविवारी (ता. 6) दुपारी चार वाजण्याच्या दरम्यान पोहण्यासाठी गेले. नदीपात्रात उतरल्यानंतर दहा फूट अंतरापर्यंत गेल्यानंतर पंधरा ते विस फुट खोल असलेल्या खड्ड्याचा अंदाज न आल्याने ते दोघे त्यात बुडाले व त्यांचा त्यात मृत्यू झाला.
पोलीस उपनिरीक्षक वैजेनाथ दिंडगे, पोकॉ राम रामोळे, चालक नारायण बेंबडे यांनी तात्काळ घटनास्थळावर भेट देऊन दोन्ही युवकांचे मृत देह शासकीय ग्रामीण रुग्णालय येथे आणले. या संदर्भात अहमदपूर पोलीस ठाण्यात आकस्मिक मृत्यू गुन्हा नोंद झाला आहे.
नवरात्र निमित्त या घटना घडलेल्या मार्गावरून बरेच लोक राणीसावरगाव कडे जात होते, दरम्यान खंडाळी येथील मंगेश शेळके, गजानन पोळ, विशाल कसबे तर सेनकुड येथील पंकज नरवटे, वैभव नागरगोजे यांनी नदीपात्रात उड्या मारून या युवकांना वाचवण्याचा प्रयत्न केला.
मयत दोन्ही युवकांना पोहता येत होते. परंतु नदीपात्रातील खोलीचा अंदाज न आल्याने त्यांना मृत्यूने कवठाळले.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.