नांदेड - राज्याचे सार्वजनिक बांधकाम मंत्री तथा नांदेडचे पालकमंत्री अशोक चव्हाण यांनी आमदार स्थानिक विकास कार्यक्रमांतर्गत भोकर मतदारसंघातील उद्भवलेल्या कोरोना विषाणूच्या संदर्भात वैद्यकीय यंत्रसामुग्री व साहित्य खरेदी करण्यासाठी पन्नास लाख रुपयांचा निधी उपलब्ध करुन दिला आहे.
नांदेडचे विधानपरिषदेचे आमदार अमर राजूरकर यांनी पन्नास लाखाचा निधी दिला आहे. तसेच नांदेड वाघाळा महापालिकेच्या कॉँग्रेसच्या पदाधिकारी व नगरसेवकांनी एक महिन्याच्या मानधनाचा धनादेश पालकमंत्री अशोक चव्हाण यांच्याकडे सुपुर्द केला.
वैद्यकीय यंत्रसामुग्री व साहित्य खरेदीसाठी निधी
आमदार स्थानिक विकास कार्यक्रम २०२० - २१ अंतर्गत कोरोनामुळे झालेल्या आपत्कालीन परिस्थितीत परिणामकारक प्रतिबंधात्मक कार्यवाही होण्यासाठी श्री. चव्हाण यांना पन्नास लाख रुपयांचा निधी मंजूर झालेला आहे. सदरील निधी भोकर विधानसभा मतदारसंघातील उद्भवलेल्या कोरोना संदर्भात वैद्यकीय यंत्रसामुग्री व साहित्य खरेदी करण्यासाठी पन्नास लाख रुपयांची शिफारस केली आहे. याबाबतीतील एक पत्र श्री. चव्हाण यांनी जिल्हाधिकारी डॉ. विपीन यांच्याकडे सादर केले आहे.
आमदार राजूरकरांनी दिले ५० लाख
नांदेडचे विधानपरिषदेचे आमदार अमर राजूरकर यांनी वैद्यकीय यंत्रसामुग्री व साहित्य खरेदीसाठी पन्नास लाख रुपयांचा निधी देण्याची शिफारस केली आहे. कोरोनाच्या पार्श्वभूमीवर उद्भवणाऱ्या आपत्कालीन परिस्थितीवर प्रतिबंधात्मक कार्यवाही करण्यासाठी आमदार स्थानिक विकास निधीतून देण्यात आला आहे. या निधीतून नांदेड जिल्ह्यातील नऊ विधानसभा मतदारसंघासाठी समान स्वरुपात वाटप करण्यात यावा तसेच कोरोनाच्या विषाणुमुळे उद्भवलेल्या संसर्गजन्य रोगाचा प्रतिबंध व नियंत्रण करण्यासाठी ज्या तातडीच्या उपाययोजना करावयाच्या असतील त्यासाठी लागणारी वैद्यकीय यंत्रसामुग्री व साहित्य खरेदी करण्यात यावे व तशी माहिती कळवावी, असेही आमदार राजूरकर यांनी पत्रात नमूद केले आहे.
हे ही वाचलेच पाहिजे - बॅंकेत गर्दी टाळण्यासाठी करावा ग्राहक सेवा केंद्राचा वापर
नगरसेवकांनी दिले एक महिन्याचे मानधन
दरम्यान, नांदेड वाघाळा महापालिकेतील कॉँग्रेसच्या पदाधिकारी व नगरसेवकांनी त्यांचे एक महिन्याचे सात लाख १६ हजार ६६६ रुपयांच्या मानधनाचा धनादेश पालकमंत्री अशोक चव्हाण यांच्याकडे सुपुर्द केला. यावेळी आमदार अमर राजूरकर, महापौर दीक्षा धबाले, उपमहापौर सतिश देशमुख तरोडेकर, स्थायी समितीचे सभापती अमितसिंह तेहरा, सभागृह नेते विरेंद्रसिंग गाडीवाले, माजी उपमहापौर शमीम अब्दुल्ला, जिल्हा परिषदेचे शिक्षण व बांधकाम सभापती संजय बेळगे आदी उपस्थित होते.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.