औरंगाबाद : पंकजा मुंडे यांनी पाण्याच्या प्रश्‍नासाठी उपोषण केलं मात्र मागील पाच वर्ष राज्यात केंद्रात दोन्ही ठिकाणी त्यांचं सरकार होतं तेव्हा पाण्यासाठी का ? काही केलं नाही. असा सवाल महाराष्ट्राचे उपमुख्यमंत्री अजित पवार यांनी पंकजा यांच्या लाक्षणिक उपोषणा संदर्भात उपस्थित केला.

हेही वाचा : मुनगंटीवारांचे वक्‍तव्य म्हणजे मुंगेरीलाल के हसीन सपने - अशोक चव्हाण 

पवार म्हणाले की, त्यांच माझ्याकडे कुठलेही निवेदन आलं नाही. त्यांच्या सरकारच्या काळात काम केली असती तर पंकजा ताईंना पोषणाला बसण्याची वेळ आली नसती. पंकजा ताई यांनी उपोषणाला बसण्याअगोदर विचार करायला हवा होता की आपण पाच वर्ष सत्तेत होतो. राज्यात आणि केंद्रात त्यांचे सरकार होते. त्यावेळेस काम केले असते तर आज उपोषणाला बसण्याची वेळ आली नसती.

मराठवाड्याची बैठक घेतली 

मराठवाड्याच्या आठ जिल्ह्यांची बैठक घेतली. काही पालकमंत्री आज बैठकीला आले मात्र काहींना शक्‍य झालं नाही. त्यांनी कालच भेट घेऊन माहिती दिली. ऑरीक सिटीबद्दल बरच ऐकलं होतं, त्यामुळे ते पाहिलं. अतिशय उत्तम उदाहरण आहे. इतर शहरांनी ते पाहिलं पाहिजे. मराठवाड्याच्या विकासासाठी महत्वाचा असा प्रकल्प आहे. त्याकडे विशेष लक्ष देणार आहोत. मंदीचा काळ आहे मात्र ते उभं झालं की मोठ्या प्रमाणात रोजगार निर्मिती होणार आहे असं अजित पवार म्हणाले.

क्लिक करा : उपमुख्यमंत्र्यांसाठी पुस्तक आणले अन्‌ बसला पाच हजारांचा दंड