पाचोड : गत चाळीस वर्षांपासून सुरु असलेली पैठण-सोलापूर बस दोन वर्षांपासून पैठण आगाराने अचानक बंद केल्याने नागरिकांसह शाळकरी विद्यार्थ्यांना त्रास सोसावा लागत असून त्यांचे मोठे शैक्षणिक नुकसान होत असल्याचे चित्र पाचोड (ता.पैठण) परिसरात पाहावयास मिळत आहे.

गेल्या चाळीस वर्षापासून पैठण आगारातून तुळजापूर-सोलापूर ही बस सुरु होती. सकाळी साडेसहा वाजता पैठण आगारातून ही बस पाचोडमार्गे जात होता. या मार्गावरील ही सकाळी धावणारी पहिली तर रात्री पैठणला परत येणारी शेवटची बस होती. पैठण-पाचोड रस्त्यावरील लिंबगाव, थेरगाव, हर्षी, दादेगाव, नांदर, दावरवाडी, खेर्डा, नानेगाव, आखतवाडा, सोलनापूर, राहटगाव, करंजखेडा या गावातील शेकडो विद्यार्थी सकाळी आठ वाजता भरणाऱ्या शाळांच्या तासिकांना तर काही जण खासगी शिकवण्यांना हजेरी लावत होते.

तर अनेक जण सकाळीच बाहेरगावी कामानिमित्त जाण्यासाठी या बसनेच प्रवास करीत होते. दिवसभराची कामे उरकून सायंकाळी सव्वानऊ वाजता पाचोड बसस्थानकावर ही बस सोलापूरहून परत पैठणला जाण्यासाठी येत असल्याने नागरिक, प्रवासी येथे प्रतिक्षा करीत पाचोडच्या बसस्थानकावर जमा होत. रात्रीला पैठणला जाण्यासाठी ही शेवटची बस होती. मात्र, अचानक दोन वर्षापूर्वी पैठण आगाराने ही बस बंद केल्याने नागरिकांसह शाळकरी मुलांचे हाल होत आहे. शेकडो विद्यार्थ्याचे सकाळचे तास बुडून शैक्षणिक नुकसान होत आहे. एकीकडे खेड्याकडे चला असा सर्वत्र मंत्र दिला जात आहे, तर दुसरीकडे परिवहन विभाग खेड्यांच्या दळणवळणालाच कात्री लावून ग्रामीण भागातील संबंध तोडून समस्येत भर घालत आहे.

पाचोड, ता.११ (बातमीदार) गत चाळीस वर्षांपासून सुरु असलेली पैठण-सोलापूर बस दोन वर्षांपासून पैठण आगाराने अचानक बंद केल्याने नागरिकांसह शाळकरी विद्यार्थ्यांना त्रास सोसावा लागत असून त्यांचे मोठे शैक्षणिक नुकसान होत असल्याचे चित्र पाचोड (ता.पैठण) परिसरात पाहावयास मिळत आहे.

विद्यार्थ्यांना शिक्षणाच्या प्रवाहात आणण्यासाठी शासकीय स्तरावर कोट्यवधी खर्च होत आहे, तर दुसरीकडे दळणवळणाच्या साधना अभावी शिक्षणासाठी मुलांमुलीची परवड होत आहे. वरिष्ठांनी तातडीने ही बस सुरु करावी.अन्यथा पाचोड-पैठण रस्त्यावरील सर्व गावकरी एकत्र येऊन आंदोलन करतील.