औरंगाबाद : खासगी रुग्णालयात ब्रदर म्हणून काम करत असलेल्या २९ वर्षीय तरुणाने रुग्णालयातच गळफास घेऊन आत्महत्या (commits suicide by hanging himself) केली. हा प्रकार ७ जानेवारी रोजीच्या पहाटे अडीच वाजेदरम्यान समोर आला. किशोर राजू लहाने (२९, रा. मुकूंदनगर, मुकूंदवाडी) असे गळफास घेतलेल्या तरुणाचे नाव आहे.

याप्रकरणी प्राप्त माहितीनुसार किशोर हा टिळकनगरातील एका रुग्णालयात सहा ते सात महिन्यांपासून ब्रदरचे काम करत होता. सकाळी नऊ ते सायंकाळी पाच या दरम्यान तो ड्यूटी करुन घरी गेला होता. पून्हा रात्री अचानक आला, आणि पहाटे अडीच्या सुमारास

त्याने रुग्णालयातील कपडे वाळविण्याच्या ठिकाणी पत्र्याच्या छताच्या लोखंडी ॲंगलला नायलॉन दोरीने गळफास घेतला. त्याला लखन राजू लहाने आणि शार्दूल

कुलकर्णी यांनी तात्काळ घाटी रुग्णालयात दाखल केले असता, वैद्यकीय अधिकाऱ्यांनी पहाटे ३ वाजून ५५ मिनीटांनी मृत घोषित केले. याप्रकरणी जवाहरनगर पोलिस ठाण्यात अकस्मात मृत्यूची नोंद करण्यात आली असून पुढील तपास अंमलदार संजय सिरसाट करत आहेत.