औरंगाबाद : औरंगाबाद येथील सिडको एन-५ भागात एका फ्लॅटमध्ये वेलनेस स्पा केंद्राच्या नावाखाली सुरु असलेल्या वेश्या व्यवसायावर पोलिसांनी रविवारी (ता.२०) रात्री छापा टाकला आहे. यात दुसऱ्या राज्यातील सहा महिलांसह तीन ग्राहक आणि कुंटणखान्याच्या दलालाला पोलिसांनी पकडले आहे. औरंगाबादच्या (Aurangabad) सिडको पोलिसांना एन-५ मधील एका फ्लॅटमध्ये वेश्या व्यवसाय चालत असल्याची माहिती मिळाली. त्यानुसार पोलिसांनी छापा टाकला. यात पश्चिम बंगाल, मणिपूर, अरुणाचल प्रदेश आणि दिल्ली येथील सहा महिलांना ताब्यात घेतले. (Aurangabad Crime News Six Women Detained From Spa Centre For Illegal Business)

तसेच तीन ग्राहक व दलाल सोमेय सायमन यांना ताब्यात घेण्यात आले. पोलिस निरीक्षक संभाजी पवार, पोलिस उपनिरीक्षक अशोक अवचार, हवालदार मीनाक्षी भवरे, बसंती काकडे, प्रकाश डोंगरे, विशाल सोनवणे, काकासाहेब अदाने, संदीप बिल्लारी, सागर सिरसाठ, सहायक पोलिस निरीक्षक ज्ञानेश्वर अवघड, पोलिस उपनिरीक्षक रमेश राठोड यांनी ही कारवाई केली आहे.