वाळूज (औरंगाबाद): आई-वडील रागावल्याने १७ वर्षीय मुलगी २० वर्षीय प्रियकरासह वाळूज औद्योगिक परिसरात आली. ते खोली घेऊन एकत्र राहणार होते. याचदरम्यान त्यांच्यावर दामिनी पथकाची ‘नजर’ पडली. त्यानंतर विचारपूस करून दामिनी पथकाने त्यांचे व आई-वडिलांचे समुपदेशन केले. नंतर त्यांना सुखरूप घरी पाठविले.

देहूरोड पोलिस ठाण्याच्या हद्दीतील सतरा वर्षीय मुलगी आई रागावली म्हणून वीस वर्षीय अल्पवयीन प्रियकराला घेऊन वाळूज औद्योगिक वसाहतीत आली. परिसरात आपण काहीतरी कामधंदा करू व येथेच राहु, असा विचार करीत ते खोली किरायाने शोधत रांजणगाव (शेणपुंजी) येथे आले. ते खोली घेण्याच्या प्रयत्नात होते.

कोरोनाबाधितांवर अंत्यसंस्कार करणाऱ्यांची खंत; म्हणतात, 'वाईट वाटतंय; पण...

त्याचवेळी दामिनी पथक जोगेश्वरी येथील एका अपहरण प्रकरणाच्या शोधार्थ जात होते. या पथकाची नजर त्यांच्यावर पडली. अल्पवयीन मुलगा व मुलगी संशयास्पदरित्या आढळल्याने त्यांनी त्यांना विश्वासात घेत विचारपूस केली असता अल्पवयीन मुलीने सर्व काही सांगून टाकले. याप्रकरणी देहूरोड पोलीस ठाण्यात अपहरणाचा गुन्हा दाखल असून तेथील पोलिस अधिकार्‍यांशी बोलून दोन्हींची माहिती दिली. ते आल्यानंतर दामिनी पथकाने या मुलीच्या आईवडिलांचे समुपदेशन करून गुरुवारी (ता.१८) त्यांना त्यांच्या स्वाधीन केले.

ही कामगिरी पोलीस आयुक्त मीना मकवाना, सहाय्यक पोलीस आयुक्त रवींद्र साळोखे, दामिनी पथक प्रमुख पोलीस उपनिरीक्षक स्नेहा करेवाड, महिला पोलीस हेडकाँस्टेबल रेखा चांदे, महिला पोलीस अंमलदार हिरा चिंचोळकर, ए. एस. गायकवाड, गिरीजा आंधळे यांच्या पथकाने केली. 

पीएच.डी.साठी जागा ९०० अन् पेटमध्ये चार हजार उत्तीर्ण! प्रक्रिया थांबविण्याची...

घरचे देणार होते लग्न लावून 
सतरा वर्षीय मुलगी पुणे येथील देहूरोड पोलिस ठाण्याच्या हद्दीत राहते. तिच्या मोठ्या बहिणीचे अल्‍पवयीन असतानाच लग्न झाले. या १७ वर्षीय मुलीचेही लग्न लावून देण्याचे प्रयत्न सुरू होते. अशातच आई रागावली त्यामुळे ही मुलगी रागात होती. दरम्यान बुलढाणा येथील वीस वर्षे मुलगा कामधंदा करून जवळच रहात होता. या दोघांचे सुत जमलेले होते. त्यामुळे सतरा वर्षीय मुलगी व वीस वर्षीय मुलगा वाळूज परिसरात आले. काहीतरी काम धंदा करून आपण येथेच राहू, या उद्देशाने हे दोघे खोली किरायाने घेण्याच्या शोधात होते.