बनशेंद्रा (औरंगाबाद): शिवारातील गट नंबर १६० शेतात आज शुक्रवार (ता.दोन) दुपारी एक वाजेदरम्यान बिबट्या आढळून आला होता. या शेतात महेश मोतींगे हे पाणी भरण्यासाठी गेले असता अचानक मागून बिबट्याने हल्ला केला. यात ते जखमी झाले होते. धक्कादायक बाब म्हणजे या प्रसंगानंतर काही वेळात बिबट्याचाही मृत्यू झाला. याचे कारण दोन बिबट्यामधील भांडण सांगितले आहे. मृत बिबट्याच्या अंगावर बऱ्याच जखमाही होत्या.

घटना शुक्रवारी दुपारी दोन वाजेच्या सुमारास घडली आहे. तत्पुर्वी बिबट्याने शेतकऱ्यावर हल्ला केला होता. त्यानंतर शेतकऱ्यांनी आरडाओरड केल्यावर आजूबाजूचे शेतकरी आणि गावकरी जमा होऊन संबंधित वनविभागतील वनपाल प्रवीण कोळी यांना घटनेबाबात माहिती देण्यात आली होती.

शिवसेनेच्या खेळीने भाजप घायाळ! माजी आमदार नितीन पाटील यांनी बांधले शिवबंधन

त्यानंतर प्रवीण कोळीसह वनकर्मचारी घटनास्थळी दाखल झाले असून पुढील कार्य सुरू होती. जखमी महेश मोतींगे यांना दवाखान्यात दाखल करण्यात आले आहे. बिबट्या दिसल्याने शेतकऱ्यांमध्ये भीतीचे वातावरण तयार झाले होते. पण दुर्दैवाने या हल्ल्यानंतर बिबट्याचा मृत्यू झाला आहे. सध्या बिबट्याचा मृत्यू जिथं झाला तिथं पंचनामा सुरु आहे.