पाटोदा (जि.बीड) : जेवण करुन दारासमोर उभ्या सख्ख्या बहिणींना भरधाव स्कॉर्पिओ जीपने जोराची धडक दिली. यात दोन्ही बहिणी गंभीररित्या जखमी होऊन ठार झाल्या. ही दुर्दैवी घटना रविवारी (ता.१९) रात्री तालुक्यातील धनगर जवळका येथे घडली. रोहिणी महारुद्र गाडेकर (वय वय २६) व मोहिणी महारुद्र गाडेकर (वय २२) अशी अपघातात ठार झालेल्या बहिणींची नावे आहेत. रोहिणी व मोहिनी गाडेकर या दोघी बहिणी आपल्या धनगर जवळका या गावी आल्या होत्या. रोहिणी ही नर्सिंगचे (Beed) शिक्षण घेत आहे. तर मोहिनी एका खासगी कंपनीत नोकरी करीत होती. या दोघी बहिणी रात्री जेवण केल्यानंतर दारासमोर उभ्या राहिल्या. (Beed Accident Two Sisters Died In Accident Patoda)

भरधाव वेगात आलेली जीप (एमएच १२ एमआर ९११३) चालकाचे नियंत्रण सुटल्याने दोघींना जोराची धडक दिली. यात दोघी गंभीररित्या जखमी होऊन ठार झाल्या. जीप चालकाने पुढे जाऊन अन्य एकास धडक दिली. त्यानंतर चालक फरार झाला. पाटोदा पोलिसांनी सदरील जीप ताब्यात घेतली आहे. दोघी बहिणींच्या मृतदेहांची बीड जिल्हा रुग्णालयात उत्तरीय तपासणी करण्यात आली. या प्रकरणी चालकाविरोधात गुन्हा दाखल करण्यात आला आहे.