औरंगाबाद : कोविड सेंटरमध्ये रुग्ण महिलेवर अत्याचार करण्याचा प्रयत्न करणाऱ्या डॉक्टरला बडतर्फ केले आहे. याबाबत गुरुवारी (ता.चार) महापालिका आरोग्य अधिकारी नीता पाडळकर यांनी ही माहिती दिली. त्या पुढे म्हणाल्या, की केलेल्या चौकशीत संबंधित डॉक्टर दोषी आढळला आहे. कोणत्याही प्रकारचा फिजिकल अॅसाॅल्ट झालेला नाही. महिलेला पोलिसांकडे तक्रार दाखल करण्यास सांगितले आहे.  

हेही वाचा - रक्षक बनला भक्षक! बंदुकीचा धाक दाखवून पोलिसाने केला विवाहितेवर बलात्कार, महिलेने आत्महत्येपूर्वी लिहिले सुसाईट नोट

घटनेबाबत माहिती अशी की, महापालिकेच्या पदमपुरा येथील कोविड केअर सेंटरमध्ये दोन दिवसांपूर्वी एक महिला रुग्ण दाखल झाली होती. या सेंटरमध्ये गेल्या मंगळवारी रात्री कामावर असलेल्या एका डॉक्टरने तिच्यासोबत लगट करत अतिप्रसंग करण्याचा प्रयत्न केला. महिलेने विरोध करीत आरडाओरड केली. त्यानंतर सेंटरमध्ये एकच गोंधळ उडाला. इतर कर्मचाऱ्यांनी धाव घेऊन मध्यस्थी केली. दरम्यान, सकाळी या प्रकाराची प्रशासनाने गंभीरपणे दखल या प्रकरणी प्रशासनाला चौकशी करुन अहवाल सादर करण्याचे आदेश महापालिकेचे प्रशासक तथा आयुक्त आस्तिककुमार पांडेय यांनी दिले होते.  

संपादन - गणेश पिटेकर