औरंगाबाद : बापानेच आपल्या अल्पवयीन मुलीवर बलात्कार केल्याचा धक्कादायक घटना औरंगाबादमध्ये (Aurangabad) उघडकीस आली आहे. या प्रकरणी बापाविरोधात वाळूज पोलिस ठाण्यात गुन्हा दाखल करण्यात आला आहे. नेवरगाव येथील एका बापाने सप्टेंबर २०२१ ते जानेवारी या पाच महिन्यांदरम्यान आपल्या १५ वर्षीय अल्पवयीन मुलीवर एकटी असल्याचा फायदा घेऊन बलात्कार केला आहे. याबाबत घरी सांगितल्यास जीवे मारण्याची धमकी त्याने मुलीला दिली होती. वेदना असाहाय्य झाल्याने तिने आईला घडलेला प्रकार सांगितला. या प्रकरणी आईने विरोध करण्याचा प्रयत्न करताच नराधम बापाने मुलीच्या आईच्या डोक्यात फरशीचा तुकडा मारुन गंभीर जखमी केले आहे.(Father Abused His Minor Daughter In Aurangabad)

शेवटी मुलीच्या आईने वाळूज (Waluj) पोलिस ठाण्यात फिर्याद दिल्याने नराधम बापाविरोधात पोक्सो कायद्याअंतर्गत गुन्हा दाखल करण्यात आला आहे. या प्रकरणाचा तपास सहायक पोलिस निरीक्षक विनायक शेळके करित आहेत.