औरंगाबाद : म्हाडाची प्रश्नपत्रिका फुटली. आरोपींना अटक झाली पुण्याला. यातून कायद्याचा बट्ट्याबोळ झाला. त्यामुळे गृहनिर्माण मंत्री जितेंद्र आव्हाड यांना अटक करा, अशी मागणी अॅड. गुणरत्न सदावर्ते (Gunratna Sadavarte) यांनी राज्याच्या पोलिस महासंचालकांकडे केला आहे. औरंगाबाद (Aurangabad) येथील मध्यवर्ती बसस्थानकात सुरु असलेल्या एसटी आंदोलनातील कर्मचाऱ्यांची आज मंगळवारी (ता.१४) सदावर्ते यांनी भेट घेतली. त्यावेळी ते प्रसारमाध्यमांशी बोलत होते. सरकारच्या नाकर्तेपणामुळे एसटी कर्मचाऱ्यांना प्राण गमवावा लागल्याचा आरोप त्यांनी केला. (Gunratna Sadavarte Visit St Workers In Aurangabad, Arrest Jitendra Awhad He Demand)

शहरात येण्यापूर्वी पोलिसांनी अडवल्याचे सदावर्ते यांनी सांगितले. एसटी महामंडळाचे शासनात विलनीकरण झालेच पाहिजे अशा घोषणा या प्रसंगी देण्यात आल्या. महापुरुषांचा एकेरी उल्लेख करु नये, अशी विनंती गुणरत्न सदावर्ते यांनी केली.मी कष्टकऱ्यांचा आवाज आहे. त्यांनी माझी भीती बाळगू नये, असे आवाहन त्यांनी केले. महाराष्ट्रातील कष्टकऱ्यांना जाहीर अभिवादन.

कष्टकऱ्यांनो तुम्ही जात, धर्म यावरुन एकत्र आला नाहीत, असे ते एसटी संपात सहभागी कामगारांना उद्देशून म्हणाले. नांदेडमध्ये लक्ष्मण गायकवाड नावाचे पत्रकार होते. ते स्पष्ट लिहायचे. त्यांच्यापुढे संजय राऊत काहीच नाहीत, असा चिमटा गुणरत्न सदावर्ते यांनी शिवसेनेला काढला.