करमाड (जि.औरंगाबाद) : जालना शहरातून घरी पोहचत असतांना भरधाव वेगात असलेल्या गाडीचा ताब सुटुन झालेल्या अपघातात तरुण व्यावसायिक ठार तर दोन जण जखमी झाले. ही घटना शनिवारी (ता.18) रात्री बाराच्या सुमारास जालना महामार्गावरील सटाणा फाटयाजवळ घडली. 

अपघातात शेख जाकीर शेख बाबुलाल (30, रा. शामवाडी ता. औरंगाबाद) यांचा मृत्यू झाला. तर शेख वजीर शेख जमीर (32) व अय्युबखान अब्दुलखान (55 रा. माहोली ता. औरंगाबाद) हे दोघे जण किरकोळ जखमी झाले. जालना येथुन हे व्यापारी आपल्या सफारीने शहर पळशी शहर (ता.औरंगाबाद) कडे जात होते. रात्री बाराच्या सुमारास सटाणा पाटीजवळ ही सफारी भरधाव वेगाने महामार्गावरील रस्ता दुभाजकाला धडकली.

हेही वाचा : सदाभाऊ खोतांना सत्तेतून पायउतार झाल्यावर लागलेत शेतकरी हिताचे होडाळे, म्हणे...

घटनेनंतर करमाड पोलिसांनी घटनास्थळी धाव घेऊन जखमींना उपचारासाठी रुग्णालयात उपचारासाठी दाखल केले. यावेळी उपचारार्थ दाखल शेख झाकीर यास डॉक्‍टरांनी तपासून मृत घोषित केले. इतर दोन किरकोळ जखमींवर खाजगी रुग्णालयात उपचार सुरू असल्याची माहिती बीट जमादार गंगाधर भताने यांनी दिली.

क्लिक करा : चिवटी' गाजवतोय विविध फिल्म फेस्टिव्हल

108 गाडी आलीच नाही 

प्रत्यक्षदर्शीनी जखमींनी गाडीतून बाहेर काढले. यातील एक जण मृत झाला होता तर दोघे जखमी होते जखमींनी रुग्णालयात दाखल करण्यासाठी 108 क्रमांकावर फोन करण्यात आला. फोन उचलणाऱ्याने येतो असे सांगितले मात्र एक तास झाला तरी गाडी आली नाही. शेवटी येथील लोकांनी औरंगाबादडे येणाऱ्या गाड्यांना थांबविण्याचा प्रयत्न केला मात्र कुणाच जखमींना गाडीत घेतले नाही. त्यानंतर एक शव घेऊन जाणाऱ्या रुग्णवाहिकेला थांबवुन तिघांना औरंगाबादच्या खासगी रुग्णालयात दाखल करण्यात आले होते.