छत्रपती संभाजीनगर : ‘‘मराठा आरक्षणाच्या मागणीसाठी मुंबईच्या वाशीमध्ये उधळलेल्या गुलालाचा अपमान करू नका, नाही तर विधानसभेत गुलाल तुमच्यावर रुसेल. इतकेच नव्हे तर मनोज जरांगे लढणार आहे, तुम्ही आरक्षण घालवले तर मी सोडणार नाही’’, अशा शब्दांत मनोज जरांगे पाटील यांनी सरकारला इशारा दिला.
ते म्हणाले, ‘‘तुम्ही नाही दिले तर आम्हाला राजकारणात उतरावे लागेल. विधानसभेच्या अनुषंगाने आचारसंहितेनंतर आरक्षणासंदर्भात निर्णय घेऊ म्हणाल, तर आम्ही ऐकणार नाही. लोहार-कुंभार समाजालाही सरकारी नोंदीआधारे आरक्षण द्यावे. मराठा समाजाची कुणबी पोटजात होऊ शकत नाही का?’’ असा सवालही त्यांनी सरकारला केला. ‘‘खऱ्या नोंदी असताना रद्द कराल, तर मराठे सरकारी कार्यालयांवर धडक मारतील. सरकारने एकही काम केलेले नाही’’, अशी खंतही जरांगे यांनी व्यक्त केली.
मराठा आरक्षण आंदोलनाचे नेते मनोज जरांगे यांच्या उपस्थितीत ७ जुलैला परभणी भव्य संवाद रॅली काढली जाणार आहे. त्या रॅलीच्या आयोजनासंदर्भात सोमवारी (ता.२४) परभणीत बैठक होणार आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.