औरंगाबाद : सरदार वल्लभभाई पटेल यांच्या जन्मदिनानिमित्त सोमवारी शहरात ‘राष्ट्रीय एकता दौड’ पार पडली. यावेळी विभागीय क्रीडा संकुल, गारखेडा येथे सहभागींना राष्ट्रीय एकतेची शपथ देण्यात आली.

क्रीडा व युवक सेवा संचालनालय, जिल्हा प्रशासन, जिल्हा क्रीडा अधिकारी कार्यालय यांच्यातर्फे फिट इंडिया फ्रिडम रनचे आयोजन करण्यात आले होते. सकाळी सात वाजता मानवी साखळी तयार करण्यात आली. याप्रसंगी सरदार पटेल यांच्या प्रतिमेस पुष्पहार अर्पण करण्यात आला.

केंद्रीय अर्थराज्यमंत्री डॉ. भागवत कराड, जिल्हाधिकारी आस्तिककुमार पांडेय यांच्याहस्ते हिरवा झेंडा दाखवून एकता दौड आणि फिट इंडिया फ्रिडम रनची सुरूवात करण्यात आली. प्रास्ताविक प्रभारी जिल्हा क्रीडा अधिकारी चंद्रशेखर घुगे यांनी केले. सर्वांनी एकता व समानतेने राहण्याकरीता उपस्थितांना ‘राष्ट्रीय एकता’ची शपथ भागवत कराड यांनी दिली.

डॉ. बाबासाहेब आंबेडकर मराठवाडा विद्यापीठाचे क्रीडा संचालक दयानंद कांबळे, गोकुळ तांदळे, सतीश पाठक, वसंतराव मंगलके, बापू घडामोडे, जालिंदर शेंडगे, मोहन आघाव, सुधाकर घुले, मोहम्मद ईरफानोद्दीन रईसोद्दीन, इम्रान जरीवाला, अशोक कायंदे, संजीवनी कायंदे, दिपक रूईकर, चरणजितसिंग संघा, अभय देशमुख, रुस्तुम तुपे, संतोष अवचार, रोहन टाक, राजेश पाटील, भारत रेड्डी, आदींची उपस्थिती होती. यासाठी लता लोंढे, सदानंद सवळे, अनिल दांडगे, सचिन बोर्डे, भिमा मोरे, हर्षकुमार यांनी पुढाकार घेतला.