आडुळ (औरंगाबाद): स्थानिक स्वराज्य संस्था मधील ओबीसी समाजाचे राजकीय आरक्षण (obc political reservation) अबाधित ठेवण्यासाठी राज्य सरकारने न्यायालयाच्या निर्णयानुसार कार्यवाही करावी. मागासवर्गीय अधिकारी/कर्मचारी यांना पदोन्नती मध्ये आरक्षण लागू करावे व ओबीसी समाजाची जात निहाय जनगणना करावी या प्रमुख मागण्यासाठी आडुळ सर्कल मधील ओबीसी समाजाच्या वतीने शनिवारी (ता.२६) रोजी सकाळी १० वाजता औरंगाबाद - सोलापूर राष्ट्रीय महामार्गावरील देवगाव फाटा (ता.पैठण) येथे रस्ता रोको करण्यात आले. यावेळी उपस्थित नागरिकांनी अर्धातास रस्ता रोखो आंदोलन करुन महामार्गावरील दोन्ही बाजूंनी वाहतूक बंद केली होती.

वाहतुक बंद झाल्याने दोन्ही बाजूंने जवळपास एक किलोमीटर पर्यंत वाहनांच्या रांगा लागल्या होत्या. आंदोलनात सहभागी नागरीकांनी राजकीय क्षेत्रात असलेले आरक्षण पुर्वीप्रमाणेच ठेवावे अशी मागणी करीत घोषणाबाजी करुन आपल्या मागण्याचे निवेदन नायब तहसीलदार संतोष अनर्थे, सहायक पोलिस निरीक्षक गणेश सुरवसे यांना दिले.

याप्रसंगी भास्कर गीते, नवनाथ सांगळे, विक्रम जायभाय, सोपान थोरे, सतीश राख, रमेश गोर्डे, संजय दौंड, बप्पासाहेब दौंड, भगवान खाडे, बाळासाहेब गिते, उध्दव गिते, कृष्णा गिते, रामलाल कोठुळे, ज्ञानेश्वर वाघ, मुजीब शेख, रामनाथ डिघुळे, दत्तु दौंड, महादेव भिसे, भरत ढाकणे, सूर्यभान गिते, सुरेश धोञे, रामदास ठाकणे, राजु सांगळे, मंडळ अधिकारी भारती मादनकर, अक्तर पठाण,चाँद पठाण यांच्या सह ग्रामस्थांची उपस्थिती होती. यावेळी पाचोड पोलिस ठाण्याचे सहाय्यक पोलीस निरीक्षक गणेश सुरवसे, महामार्ग पोलीस आलमगीर शेख यांनी बंदोबस्त ठेवला होता.

ओबीसी समाजाचे राजकीय आरक्षण पुर्वीप्रमाणेच ठेवण्यात यावे अन्यथा हे आंदोलन अधिक तीव्र करण्यात येईल.

- नवनाथ सांगळे

आरक्षण रद्द झाल्याने ओबीसी समाजाचे मोठे नुकसान होणार असुन स्थानिक स्वराज्य संस्थेमधील आरक्षण जशाच तसे ठेवण्यात यावे.

-विक्रम जायभाये