लोहगाव : रात्री पिकांना पाणी देण्यासाठी दुचाकीवरून जाणाऱ्या मावसगव्हान (ता.पैठण) येथील तरूण शेतकऱ्यांचा तुटलेल्या विद्युत तारेत अडकून दुर्दैवी मृत्यू झाल्याची घटना लोहगाव शिवारात बुधवारी रात्री (ता.८) घडली. ही घटना गुरूवारी (ता.९) सकाळी उघडकीस आली.
गणेश कडुबाळ जाधव (वय ३६) असे या शेतकऱ्याचे नाव आहे. या बाबत अधिक माहिती अशी की, मावसगव्हान येथील धरणग्रस्त तरून शेतकरी गणेश जाधव हा लोहगाव शिवारातील आपल्या शेतात रात्री पिकाला पाणी भरण्यासाठी दुचाकीवरून शेतात जात होता.
मात्र, ब्रम्हगव्हाण ते धरण शेती फिडरच्या खांबावरील एक तार तुटून खाली पडली होती. ही तार रात्रीच्या अंधारात न दिसल्याने त्यात अडकल्याने विजेच्या धक्का लागून या शेतकऱ्याचा मृत्यू झाल्याची घटना बुधवारी रात्री घडली.
सदर तरून शेतकरी गुरुवारी (ता.९) सकाळी मृतावस्थेत दिसून आला. माहिती मिळताच कुटुंबीय गावातील नागरिक, पोलिस पाटील माणिक साळवे यांना माहिती बिडकीन पोलिस ठाण्याला कळविले.
यानंतर सहायक पोलिस निरीक्षक गणेश सुरवशेसह अन्य कर्मचाऱ्यांनी घटनास्थळी धाव घेत बिडकीन ग्रामीण रुग्णालयात दाखल केले. असता वैद्यकीय अधिकारी आशिष वेदपाठक यांनी शवविच्छेदन केले. वैद्यकीय अधिकाऱ्यांच्या एमएलसी वरून बिडकीन ठाण्यात अकस्मात मृत्यू गुन्हा नोंद करण्यात आली आहे. तपास सहायक पोलिस निरीक्षक सुरवसे यांच्या मार्गदर्शनाखाली सहायक फौजदार सोमनाथ तांगडे करीत आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.