छत्रपती संभाजीनगर : मराठवाड्यातील उपजिल्हाधिकारी, उपविभागीय अधिकारी आणि सहायक आयुक्तांच्या बदल्यांचे आदेश जारी करण्यात आले आहेत.

छत्रपती संभाजीनगरातील राजशिष्टाचार उपजिल्हाधिकारी संजीव मोरे यांची नांदेड (पुनर्वसन) उपजिल्हाधिकारीपदी, हिंगोलीचे उपजिल्हा निवडणूक अधिकारी संतोष राऊत यांची धाराशिवच्या विशेष भूसंपादन अधिकारीपदी, नांदेडच्या उपजिल्हाधिकारी संतोषी देवकुळे यांची परभणीच्या जिल्हा पुनर्वसन अधिकारीपदी, संगीता चव्हाण यांची परभणीच्या

उपजिल्हाधिकारीपदी, कंधारचे उपविभागीय अधिकारी शरद मंडलिक यांची शिरपूर (धुळे) उपविभागीय अधिकारीपदी, नांदेडच्या विशेष भूसंपादन अधिकारी संगीता राठोड यांची बीडच्या उपजिल्हाधिकारीपदी, बीडच्या उपविभागीय अधिकारी नीलम बाफना यांची पैठण-फुलंब्रीच्या उपविभागीय अधिकारीपदी बदली करण्यात आली. त्याचप्रमाणे परळीच्या उपविभागीय अधिकारी नम्रता चाटे यांची नांदेडच्या विशेष भूसंपादन अधिकारीपदी, अंबाजोगाइचे

उपविभागीय अधिकारी शरद झाडके यांची निलंगाच्या उपविभागीय अधिकारीपदी, लातूरचे उपजिल्हाधिकारी गणेश महाडिक यांची हिंगोली, धाराशिवच्या जिल्हा पुरवठा अधिकारी स्वाती शेंडे यांची छत्रपती संभाजीनगरच्या सहायक आयुक्तपदी, शिरीष यादव यांची नांदेडच्य विशेष भूसंपादन अधिकारीपदी तर पुणे येथील महाराष्ट्र राज्य रस्ते विकास मंडळाचे उपजिल्हाधिकारी प्रवीण मेंगशेट्टी यांची भोकरच्या उपविभागीय अधिकारीपदी तर नवी मुंबर्इ, सिडकोचे उपजिल्हाधिकारी संतोष जाधव यांची नांदेडच्या (रोहयो) उपजिल्हाधिकारीपदी बदली करण्यात आली आहे.

उत्पादन शुल्क विभागातील पाच उपायुक्तांच्या बदल्या

छत्रपती संभाजीनगर : आगामी लोकसभा निवडणुकीच्या अनुषंगाने राज्य उत्पादन शुल्क विभागातील उपायुक्तांच्या (वरिष्ठ श्रेणी) विशेष बदल्या करण्यात आल्या. छत्रपती संभाजीनगरातील विभागीय उत्पादन शुल्क उपायुक्त प्रदीप पवार यांची ठाण्याच्या विभागीय उपायुक्तपदी, नांदेडचे विभागीय उपायुक्त उषा वर्मा यांची नाशिकच्या विभागीय उपायुक्तपदी, बाबू तडवी यांची नाशिकच्या विभागीय उपायुक्त पदावरून नांदेडच्या उपायुक्तपदी तर संगीता दरेकर यांची मुंबईच्या राज्य उत्पादन शुल्क उपायुक्त पदावरुन छत्रपती संभाजीनगरच्या विभागीय उपायुक्तपदी तर प्रसाद सुर्वे यांची ठाण्याच्या विभागीय उपायुक्त पदावरून अंमलबजावणी व दक्षता विभागाच्या संचालकपदी बदली करण्यात आली आहे.