औरंगाबाद : लग्न असो अथवा कोणता धार्मिक कार्यक्रम जागरण गोंधळाचा कार्यक्रम असतोच. वाघ्या - मुरळीने सोमवारी ( ता. पाच ) जागरण केले खरे मात्र ते कोणाच्या घरासमोर नव्हे तर जिल्हाधिकारी कार्यालयापुढे. डफ, तुणतुण्याचा तालावर हातामध्ये घंटी घेऊन एक दोन नव्हे तर अनेक मुरळ्यांनी ठेका धरला होता.त्यांची प्रमुख मागणी होती, फिजीकल डिस्टन्स पाळून लोककलावंतांना कलेच्या सादरीकरणाची परवानगी देण्यात यावी ही त्यांची प्रमुख मागणी होती. वाघ्या मुरळी परिषदेच्यावतीने या आंदोलनाचे आयोजन करण्यात आले होते.

कपाशी, सोयाबीन पाण्यात; शेतकऱ्यांनी शेतातील पावसाचे पाणी काढण्यासाठी लावले...

वाघ्या - मुरळी हे लोककलावंत प्रदीर्घ काळापासून धर्मजागरण, कुळधर्म कुळाचार पालन, समाजप्रबोधनाचे काम करत आहेत. मात्र कोरोनाकाळात सर्व कार्यक्रम बंद असल्याने जागरण गोंधळाचेही कार्यक्रम होत नाहीत, पर्यायाने आम्हा लोककलावंतांवर उपासमारीची वेळ आली आहे. सुरक्षित आंतर पाळून कार्यक्रमांच्या सादरीकरणाला परवानगी देण्यात यावी अशी मागणी वाघ्या - मुरळी परिषदेचे संस्थापक अध्यक्ष प्रा. मार्तंड साठे यांनी केली आहे. प्रा. मार्तंड साठे यांच्या नेतृत्वात जिल्हाधिकारी कार्यालयासमोर आंदोलन करण्यात आले.

फिर्यादीच निघाला आरोपी! लाखो रुपयांच्या सिगारेटसह माल जप्त

वाघ्या - मुरळी कलावंतांना उदरनिर्वाहासाठी विशेष निधी अनुदान स्वरूपात मंजूर करण्यात यावा, नियमांचे पालन करऊन लोककलावंतांना कुळाचाराचे कार्यक्रम करण्याची परवानगी देण्यात यावी, मंदीरे खुली करावीत, पाल्यांच्या शिक्षणाचा खर्च शासनामार्फत करण्यात यावा. शासनदरबारी या लोककलेला मान्यता देऊन नोंदणी करण्यात यावी, वाघ्या मुरळीसाठी कायमस्वरूपी पेन्शन योजना सुरू करण्यात यावी, या कलावंतांच्या निवासासाठी शासनाकडून जमीन , घर या स्वरूपात विशेष योजना मंजूर करावी आदी मागण्यांचे वाघ्या मुरळीच्या पारंपारीक वेशभुषेत निवेदन देण्यात आले.

संपादन - गणेश पिटेकर