औरंगाबाद: पेट्रोल-डिझेलच्या किंमतीत एक रुपयांची जरी वाढ झाली तरी भाजप नेते तेव्हा रस्त्यावर उतरून आंदोलन करत होते. आता पेट्रोल-डिझेलच्या किमती शंभराच्या पुढे गेल्या आहेत. भाजप नेते आता कुठे जाऊन बसले आहेत? याचा शोध आम्ही घेत आहोत, असा चिमटा महसूलमंत्री बाळासाहेब थोरात यांनी शुक्रवारी (ता. ३०) काढला. कॉंग्रेस मजबूत करायची असेल तर वॉर्डा-वॉर्डात जाऊन कमिटी स्थापन करा, अशा सूचना त्यांनी यावेळी त्यांनी पदाधिकाऱ्यांना केल्या.

महसूलमंत्री बाळासाहेब थोरात यांनी शुक्रवारी शहागंज येथील गांधीभवनात कॉंग्रेसची आढावा बैठक घेतली. व्यासपीठावर जिल्हाध्यक्ष डॉ. कल्याण काळे, शहराध्यक्ष हिशाम उस्मानी, ज्येष्ठ पदाधिकारी प्रकाश मुदिया, एम. एम. शेख, रवींद्र काळे, जिल्हा परिषद अध्यक्षा मीनाताई शेळके, भाऊसाहेब काका ठोंबरे, इब्राहिम पठाण, किरण पाटील डोणगावकर, भाऊसाहेब जगताप, रामराव शेळके, जगन्नाथ काळे, अक्रम पटेल यांची उपस्थिती होती. कार्यक्रमाला सीमा थोरात, जगन्नाथ खोसरे, शोभाताई खोसरे, संदीप बोरसे, अनिल श्रीखंडे, विजय मनाळ, जयप्रकाश नारनवरे, पप्पू ठुबे, मोहित जाधव, गौरव जयस्वाल, अतिश पितळे, सचिन शिरसाट, शुभम साळवे, बाळूशेठ गुजर, गजानन मते, विठ्ठल कोरडे, बबन कुंडारे, सुरेश शिंदे, संतोष शेजुळ, सर्जेराव चव्हाण. आनंद शिंदे, अनिल सोनवणे, बाबासाहेब मोकळे, श्याम बाबा गावंडे, प्रकाश जाधव, शिवाजी ढाकणे व पदाधिकारी उपस्थित होते.

कमिट्यांची नियुक्ती लवकरच
जिल्हा शासकीय कमिटी व तालुका शासकीय कमिटी व मंडळ लवकरात लवकर मार्गी लावण्याचे आश्वासन त्यांनी यावेळी दिले. पालकमंत्री सुभाष देसाई यांच्याशी आठवड्यात औरंगाबादच्या शासकीय कमिट्या मार्गी लावव्या यासाठी मागणी करेल.