केज(जि.बीड) : घरात झोपलेल्या पंचवीस वर्षीय महिलेस तिच्या लहान मुलास जीवे मारण्याची धमकी देत तोंडावर टॉवेल टाकून बळजबरीने अत्याचार केल्याची घटना शनिवारी (ता.२७) रात्री आठ वाजण्याच्या सुमारास घडली. या प्रकरणी पीडितेने गुरूवारी (ता.चार) पोलिस ठाण्यात दिलेल्या तक्रारीवरून गुन्हा दाखल करण्यात आला आहे. आरोपीस पोलिसांनी ताब्यात घेतले आहे. तालुक्यातील पंचवीस वर्षीय महिला ही तिच्या दोन वर्षीय लहान मुलासह घरात एकटी झोपली होती.

हेही वाचा- ग्रामीण भागातील शाळा २० मार्चपर्यंत बंद; १०वी व १२ वीच्या वर्गांना मात्र परवानगी

हिच संधी साधून तिच्या घरात नारायण प्रल्हाद तांदळे याने घरात प्रवेश करत झोपलेल्या महिलेच्या तोंडावर टॉवेल टाकून तिच्या दोन वर्षांच्या लहान मुलास जीवे मारण्याची धमकी देत तिच्यावर शनिवारी रात्री आठ वाजण्याच्या सुमारास बळजबरीने अत्याचार केला. या घटनेने घाबरलेल्या महिलेची मानसिक स्थिती खराब असल्याने तिने दवाखान्यात उपचार घेतला.

हेही वाचा - वयाच्या चाळीशीत चोरी गेलेले सोने मिळाले २२ वर्षानंतर, शकुंतलाबाईंची चोरीला गेलेल्या अडीच ग्रॅम सोन्याची कहाणी

प्रकृती बरी झाल्यावर गुरुवारी पीडितेने पोलिसात तक्रार दाखल केली. घटनेचे गांभीर्य विचारात घेऊन आरोपीस ताब्यात घेतले असून या प्रकरणी सहायक पोलीस निरीक्षक संतोष मिसळे हे पुढील तपास करीत आहेत.

संपादन - गणेश पिटेकर