अंबाजोगाई (बीड): शहरातील हनुमान नगर, मंगळवारपेठ भागात बुधवारी (ता.१०) रात्री एका युवकाचा जुन्या भांडणाच्या कारणावरून डोक्यात दगड मारून खून केल्याची घटना घडली. या प्रकरणी शहर पोलिस ठाण्यात गुरुवारी (ता.११) सकाळी तीन जणांवर गुन्हा दाखल झाला आहे. दरम्यान दोन संशयितांना पोलिसांनी ताब्यात घेतले होते.
नितीन उर्फ बबलू कैलास साठे (वय ३७) रा.सिध्दार्थ नगर, अंबाजोगाई असे खून झालेल्या युवकाचे नाव आहे. मंगल कैलास साठे यांनी दिलेल्या तक्रारीवरून जुन्या भांडणाच्या कारणावरून नितीनच्या डोक्यात दगड मारून त्याचा खून केल्याचा आरोप करण्यात आला आहे.
बुधवारी रात्री साडेअकरा ते पावने बाराच्या सुमारास नितीन साठे हा घरी निघाला असता, शुभम रमेश लोमटे (रा.खडकपूरा), राहुल दिलीपराव शेळके (रा.मंगळवार पेठ), लखन उर्फ बबलू सुंदरराव जगदाळे (रा.मेडिकल परिसर) या तिघांनी जुन्या भांडणाच्या कारणावरून त्याच्या डोक्यात व तोंडावर दगड मारून खून केल्याचा आरोप या तक्रारीत केला आहे.
त्याला मारताना जवळपास असलेल्या काही जणांनी हे भांडण सोडवले व जखमी नितिनला उपचारासाठी स्वाराती रुग्णालयात दाखल केले. तिथे डाॅक्टरांनी त्याला तपासून त्याचा मृत्यू झाल्याचे घोषित केले.
मागील महिन्यात (ता.२०) फेब्रुवारीला नितीन व या घटनेत मारहाण करणाऱ्या आरोपींचे भांडण झाले होते. परंतू दोन दिवसांनी हे भांडण आपसात मिटवण्यात आले होते. असेही नितिनच्या आईने दिलेल्या फिर्यादीत म्हटले आहे. दरम्यान या घटनेत पोलिसांनी दोन जणांना ताब्यात घेतले होते. शहर पोलिस ठाण्यात याचा गुन्हाही दाखल झाला असून या घटनेचा तपास पोलिस उपअधीक्षक सुनील जायभाय हे करीत आहेत.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.